Индӧд 26:2 - Коми Библия 2023

² сэки став быдтасысь чуктӧдӧй медводдза босьтӧмторнытӧ. Пукты медводдза босьтӧмтортӧ кудйӧ да мун сійӧ местаас, мый Господь, тэнад Енмыд, бӧръяс Аслас нимлы оланінӧн.

Индӧд 26:2 Referans Kwoze

Петӧм 23:19

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Петӧм 23:16

Пасйӧй Нянь вундан гаж, кор му вывсьыд вунданныд медводдза няньнытӧ. Пасйӧй во помын Чомӧр гаж, кор быдтас-вотӧснытӧ чукӧртанныд.

Езекиль 44:30

Медводдза быдтасыс да быдсяма вайӧмторйыс вичмӧ попъяслы. Выль пызьысь медводдза пӧжаснытӧ сетӧй попъяслы, медым тіянлысь керканытӧ вӧлі бурсиӧма.

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

1 Коринфӧ 16:2

вежонса медводдза лунӧ быдӧн торйӧдӧй сьӧмнытӧ мыйта верманныд да видзӧй сійӧс ас орданыд. Сэки менам локтігкежлӧ тіян лоӧ чукӧртӧма нин.

1 Коринфӧ 15:20

Но Кристос ловзис кулӧмысь, Сійӧ медводдзаӧн ловзис кулӧмаяс пӧвстысь.

Римӧ 11:16

Медводдза пӧжасыс кӧ вежа, сідзкӧ, кӧтасыс ставнас вежа. Пулӧн вужйыс кӧ вежа, вожъясыс тшӧтш вежаӧсь.

Римӧ 8:23

Да оз сӧмын найӧ, тшӧтш ми, кодъяслӧн эм Енсянь Лолыс, тайӧ медводдза сетӧмторйыс, ружтӧмӧн-ойзӧмӧн виччысям Енлӧн ныв-пиӧн лоӧмсӧ, вир-яйным вӧсна вештысьӧмсӧ.

Езекиль 48:14

Господьлы торйӧдӧм мусӧ оз позь вузавны ни вежны, оз позь сетны киысь киӧ, ӧд тайӧ медбур му юкӧныс Господьлӧн. Сійӧ – вежа му.

Езекиль 20:40

Ӧд Менам вежа керӧс вылын, израильса джуджыд керӧс вылын, ті ставныд, кодъяс оланныд асланыд муын, кутанныд кесъявны Меным, – висьталӧ Господь Ыджыдыс. – Сэні Ме сибӧда тіянӧс, Израиль войтыр. Ме виччыся, мый ті ваянныд сэтчӧ козинъяснытӧ, мувыв быдтассьыныд медводдза босьтӧмторъяснытӧ да вежа сетӧмторъяснытӧ.

Индӧд 16:10

Сэки пасйӧй Господьлы, асланыд Енлы, сиӧм Ветымынӧд лунся гаж да вайӧй ас кӧсйӧм серти висьяс. Быдӧн мед ваяс аслас Господь Енлӧн бурсиӧмыс серти.

Петӧм 34:26

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Восьтӧм 14:4

Тайӧ йӧзыс эз пежавны асьнысӧ аньяскӧд узьлӧмӧн, найӧ сӧстӧмӧсь. Найӧ мунӧны Баля бӧрся быдлаӧ, кытчӧ Сійӧ мунӧ. Найӧс ньӧбӧма мувывса йӧз пӧвстысь, найӧ – медводдза вайӧмтор Енмыслы да Балялы.

Римӧ 16:5

Чолӧм тшӧтш на ордын чукӧртчысь эскысьяслы. Чолӧм менам муса Эпенетлы, Акайяын сійӧ медводдзаӧн эскис Кристослы.

Еремей 2:3

Израиль – Господьлӧн вежаторйыс, Сылӧн медводдза вотӧсыс. Ставнысӧ, кодъяс ньылыштісны сійӧс, вӧлі мыждӧма, ыджыд шог суис найӧс, – висьталӧ Господь.

Неемий 13:31

Тшӧкті индӧм кадӧ вайны крамӧ пес, медводдза воӧм нянь да быдтас-вотӧс. Енмӧй, бурӧн мынтысь меным!

Неемий 12:44

Сійӧ жӧ лунӧ вӧлі индӧма йӧзӧс кывкутны крам видзанінъяс вӧсна, сэтчӧ пуктӧм дасӧд юкӧнъяс вӧсна, медводдза воӧм нянь да вотӧс вӧсна. Найӧ чукӧртісны видзанінъясӧ карса видз-муяс вылысь сійӧ пайсӧ, мый колӧ вӧлі Индӧд серти сетны попъяслы да левитъяслы. Иуда войтыр нимкодясис попъяс да левитъяс вӧсна,

2 Каднебӧг 31:5

Кор тайӧ тшӧктӧмсӧ вӧлі юӧртӧма Израиль войтырлы, найӧ вайисны асланыс медводдза быдтасысь уна нянь, вина, вый, ма да мукӧдторъяс, мый быдмӧ видз-му вылын. Найӧ вайисны тшӧтш асланыс овмӧс-эмбурысь дасӧд юкӧнсӧ.

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

Ӧксыяслӧн 4 небӧг 4:42

Ваал-Шалиша карысь локтіс ӧти морт да вайис Енлӧн морт Елисейлы выль воӧм нянь: пӧжалӧм кызь ид нянь да уль тусьяс кышнас. Елисей шуис кесйӧгыслы: «Сетав йӧзыслы, мед сёясны».

Нав Исус 18:1

Став Израиль войтыр чукӧртчис Силомӧ да сувтӧдіс вежа чом. Муыс вӧлі израильсаяслӧн киын,

Индӧд 18:4

Сетӧй поплы тшӧтш медводдза вундӧм нянь, выль вина да олив вый, а сідзжӧ нигӧн вурун.

Левит 2:14

Кӧсъян кӧ аслад медводдза идралӧм няньысь вайны Господьлы нянь висьтӧ, вай би вылын косьтӧм бӧрын нырӧм тусь.

Левит 2:12

Господьлы найӧс верманныд вайны медводдза быдтаснытӧ моз, но висьпуктанін вылын чӧскыда ӧвтан вись пыдди сотнысӧ оз позь.

Петӧм 22:29

Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

1 Коринфӧ 15:23

Но быдӧн ас кадӧ ловзяс: медводз ловзис Кристос, сэсся Кристослӧн локтігас ловзяс Сылӧн войтырыс.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Индӧд 26:1

«Кор ті локтанныд сійӧ муас, мый Господь, тіян Енныд, сетас тіянлы, босьтанныд сійӧс аслыныд да овмӧдчанныд сэтчӧ,

Индӧд 26:3

Матыстчы сійӧ кадас кесъялысь поп дінӧ да шу: ”Талун ме висьтася тэнад Господь Ен водзын, мый ме локті тайӧ муас, кодӧс Господь батьяснымлы кыв сетӧмӧн кӧсйысис сетны миянлы”.