Индӧд 24:1 - Коми Библия 2023

¹ «Верӧс кӧ гӧтрасьӧм бӧрас казялас гӧтырыслысь кутшӧмкӧ мисьтӧмтор да кутас мустӧмтны гӧтырсӧ, сійӧ вермас гижны торйӧдчан гижӧд, сетны гижӧдсӧ гӧтырыслы да вӧтлыны сійӧс керкасьыс.

Индӧд 24:1 Referans Kwoze

Еремей 3:8

Израиль войтыр эновтіс Менӧ. Тадзи найӧ пежалісны йитӧдӧс, мый Ме кӧрталі накӧд. Та вӧсна Ме сеті Израиль войтырлы торйӧдчан гижӧд да вӧтлі сійӧс Ас дінысь. Ме аддзылі, мый та вылӧ видзӧдтӧг Иуда, сылӧн ылӧдчысь чойыс, эз повзьы, но ачыс кырсалысь ань моз тшӧтш сетчис мукӧд енъяслы.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Индӧд 22:29

сэки айлов мед мынтысяс нывлӧн батьыслы ветымын сикель эзысь да босьтас нылӧс гӧтырӧ, ӧд янӧдіс сійӧс. Став олӧм чӧжыс сылы гӧтырсӧ эновтны оз позь.

Индӧд 22:19

тшӧктасны мынтыны сё сикель эзысь да сетасны эзысьсӧ нывлӧн батьыслы. Ӧд израильса ныв йылысь сійӧ мортыс паськӧдіс ылӧг сёрни. Аньыс мед кольччас верӧс ордас, а верӧсыслы став олӧм чӧжыс эновтны сійӧс оз позь.

Индӧд 22:13

«Морт кӧ гӧтрасяс, а гӧтырыскӧд узьӧм бӧрын кутас мустӧмтны

Индӧд 24:3

и мӧдыс кӧ тшӧтш кутас мустӧмтны аньсӧ, гижас торйӧдчан гижӧд, сетас аньлы да вӧтлас сійӧс керкасьыс либӧ кулас,

Петӧм 21:10

Ыджыдыс кӧ босьтас аслыс мӧд гӧтырӧс, воддза гӧтырсӧ сылы сідзжӧ колӧ вердны, пасьтӧдны да сыкӧд узьлыны.

Лука 16:18

Гӧтырсӧ эновтысь да мӧдкӧд гӧтрасьысь гозъякост олӧм пежалӧ. Юксьӧм аньӧс гӧтырӧ босьтысь тшӧтш пежалӧ».

Матвей 1:19

Ӧсип вӧлі веськыда олысь морт. Сійӧ эз кӧсйы йӧзӧдны Марияӧс, та вӧсна шуис гусьӧн лэдзны сійӧс.

Малакий 2:16

Ме мустӧмта, кор эновтӧны, – шуӧ Господь, Израильлӧн Ен. Гӧтырсӧ эновтысь мыжмӧ вир кисьтысь моз, – висьталӧ Господь Саваоф. – Та вӧсна видзӧй ловнытӧ, энӧ эновтӧй гӧтырнытӧ.

Индӧд 21:15

Мортлӧн кӧ лоӧ кык гӧтыр, ӧтиыс муса, а мӧдыс мустӧм, и кыкнанныс чужтасны сылы пиянӧс, но медводдзаӧн чужас мустӧм гӧтырыслӧн пиыс,

Лыд 5:12

«Висьтав Израиль пиянлы: гӧтырыс кӧ узяс мӧд айловкӧд, и тадзи пежалас асьсӧ да гозъякост олӧмсӧ, но аддзылысь ни эрдӧдысь оз ло, и верӧсыс оз тӧдмав, пежаліс-ӧ гӧтырыс асьсӧ али эз, но кутас вежӧгтыны гӧтырсӧ,

Лыд 5:28

Но ань кӧ эз пежав асьсӧ, и сійӧ кӧ сӧстӧм, сыкӧд нинӧм лёкыс оз ло, и сійӧ кутас вермыны кынӧмасьнысӧ.

Индӧд 24:2

Аньыс кӧ верӧс керкасьыс мунӧм бӧрын петас мӧд сайӧ,

Еремей 3:1

Господь тадзи висьталӧ: «Верӧсыс кӧ вӧтлас ассьыс гӧтырсӧ, и гӧтырыс кӧ верӧс дінсьыс мунӧм бӧрын петас мӧд сайӧ, сэки верӧсыс оз вермы сійӧс бӧр босьтны. А тадзи кӧ вӧчанныд, мунытӧ пежаланныд. Тэ, Израиль войтыр, кырсалысь ань моз сетчин мукӧд енъяслы, но ӧні бергӧдчы Ме дінӧ, – висьталӧ Господь. –