Индӧд 20:8 - Коми Библия 2023

⁸ Веськӧдлысьяс нӧшта мед шуасны: ”Тіян пиысь кӧ кодкӧ полӧ, сьӧлӧмнас майшасьӧ, мед бӧр бергӧдчас гортас, ӧд сылӧн полӧмыс вермас вуджны мукӧдыслы”.

Индӧд 20:8 Referans Kwoze

Ёрдысьяс 7:3

Юӧрт войтырыдлы: коді полӧ-тіралӧ, мед лэччӧ Галаад керӧс вылысь, мед бӧр бергӧдчӧ». Сэки кызь кык сюрс морт бӧр бергӧдчисны, а дас сюрсыс кольччисны.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Индӧд 1:28

Кытчӧ миянлы муннысӧ? Ми повзим, кор вокъясным висьталісны, сэні пӧ йӧзыс миян дорысь унджыкӧсь да ёнӧсь, и налӧн ыджыд изкаръясыс пӧ зурасьӧны енэжӧдз. Висьталісны, весиг енак войтырӧс пӧ аддзылім”.

Восьтӧм 3:16

Но тэ абу пӧсь ни абу кӧдзыд, тэ муртса дэбыд. Та вӧсна быликта тэнӧ Аслам вомысь.

Лука 9:62

Сылы Исус вочавидзис: «Гӧрйӧ кутчысьысь кӧ видзӧдӧ бӧрлань, сійӧ оз шогмы пырны Енлӧн Юраланінӧ».

Индӧд 23:9

«Кор петанныд тышӧ вӧрӧгныдлы паныд, видзчысьӧй быд пежсьыс.

Лыд 32:9

Эшкол ковтысӧ ветлӧм да мусӧ видзӧдалӧм бӧрын найӧ кутісны падмӧдны Израиль пиянӧс Господьӧн сетӧм муӧ мунӧмысь.

Лыд 13:31

Калев лӧньӧдіс Мӧисейлы паныд горзысьясӧс. «Мунам да босьтам тайӧ мусӧ! – шуис сійӧ. – Ми вермам найӧс!»

Петӧм 15:15

Эдомса юралысьяс шӧйӧвошисны, моавса ыджыдалысьяс тіралісны, Ханаан муын олысьяс шогӧ усисны.

1 Коринфӧ 15:33

Видзчысьӧй, мед некод оз ылӧдлы тіянӧс, ӧд «лёк оласногаяс тшыкӧдӧны бур оласногаӧс».

Индӧд 20:9

Войтыр водзын сёрнитӧм бӧрын веськӧдлысьяс мед индасны тышкайӧзлы юралысьясӧс.

Шусьӧгъяс 24:10

Сьӧкыд кадӧ кӧ лолыд нюкыртчӧ, сідзкӧ, выныд тэнад этша.