Индӧд 20:5 - Коми Библия 2023

⁵ Веськӧдлысьяс мед шуасны войтырлы: ”Тіян пиысь кӧ кодкӧ лэптіс выль керка, но сэтчӧ эз на овмӧдчы, мед бӧр бергӧдчас гортас. Сійӧ вермас тышын усьны, а сылӧн керкаӧ мӧд овмӧдчас.

Индӧд 20:5 Referans Kwoze

Неемий 12:27

Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Ӧксыяслӧн 1 небӧг 17:18

А тайӧ дас сыр ёкмыльсӧ ну сюрсӧн веськӧдлысьыслы. Тӧдмав вокъясыдлӧн дзоньвидзалун йылысь, гашкӧ, налы мыйкӧ колӧ».

Индӧд 16:18

«Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

Индӧд 1:15

Ме чукӧрті тіян чужанкотыръясысь мывкыд да [сюсь] вежӧра йӧзӧс и пукті найӧс веськӧдлыны сюрс мортӧн, сё мортӧн, ветымын мортӧн да дас мортӧн. Быд чужанкотырӧ нӧшта пукті кывкутысь йӧзӧс.

Лыд 31:48

Мӧисей дорӧ локтісны сюрс да сё тышкамортӧн веськӧдлысьяс

Лыд 31:14

Мӧисей скӧрмис сюрс да сё тышкамортӧн веськӧдлысьяс вылӧ, кодъяс воисны тышысь.

Псалтыр 30:1

Сьылысьясӧн веськӧдлысьлы. Давидлӧн псалом. [Шогсян кадӧ сьылӧм.]

Индӧд 20:6

Тіян пиысь кӧ кодкӧ лӧсьӧдіс виноград йӧр, но вотӧссӧ эз на чукӧртлы, мед бӧр бергӧдчас гортас. Сійӧ вермас тышын усьны, а сылӧн виноград йӧрысь вотӧссӧ мӧд чукӧртас.