Индӧд 18:12 - Коми Библия 2023

¹² Быдӧн, коді тадзи вӧчӧ, зывӧк Господьлы. Татшӧм зывӧксӧ вӧчӧмысь Господь, тіян Енныд, вӧтлас сэтчӧс войтыръяссӧ тіян водзысь.

Индӧд 18:12 Referans Kwoze

Левит 18:24

Тадзи вӧчӧмнаныд асьнытӧ энӧ пежалӧй, ӧд тадзи вӧчигӧн асьнысӧ пежалісны войтыръяс, кодъясӧс Ме вӧтла тіян водзысь.

Индӧд 9:4

Кор Господь, тіян Енныд, вӧтлас найӧс тіян водзысь, энӧ мӧвпалӧй, мый тіян веськыдлунныд вӧсна Господь вайӧдіс тіянӧс татчӧ, медым ті босьтінныд тайӧ [бур] мусӧ. Ӧд тайӧ войтыръяслӧн пеж олӧм вӧсна Господь вӧтлӧ найӧс тіян водзысь.

Левит 18:27

Став тайӧ зывӧкторсӧ вӧчисны тіянӧдз олысьяс. Та вӧсна муыс лои пеж.

Левит 18:25

На вӧсна муыс пежасис. Ме мыжді мусӧ сэні олысьяслӧн мыжныс вӧсна, и муыс быликтіс найӧс.

Индӧд 14:27

Левитӧс, коді олӧ тэнад карын, эн вунӧд, ӧд сылӧн абу му юкӧныс, а тэнад эм.

Езекиль 31:11

Та вӧсна Ме сеті сійӧс войтыръяс вылын ыджыдалысь киӧ, коді мынтысис сылы, кыдзи и коліс. Сылӧн лёк вӧчӧмыс вӧсна Ме ӧтдорті сійӧс.

Индӧд 9:5

Ті мунанныд босьтны налысь мусӧ онӧ асланыд веськыдлун вӧсна да сӧстӧм сьӧлӧмныд вӧсна, но Господь, тіян Енныд, вӧтлӧ найӧс тіян водзысь налӧн пеж олӧм вӧсна. Тадзи Господь збыльмӧдӧ Ӧвраамлы, Исааклы да Яковлы, тіян батьяслы, сетӧм кывсӧ.

Индӧд 22:5

Аньлы оз позь пасьтавны айловлысь паськӧмсӧ, а айловлы оз позь пасьтавны аньлысь паськӧмсӧ. Быдӧн, коді тадзи вӧчӧ, зывӧк Господьлы, тіян Енлы.

Ӧксыяслӧн 4 небӧг 23:24

Иосей бырӧдіс кулӧмаӧс корысьясӧс да тунасьысьясӧс, гортса бӧлбанъясӧс, идолъясӧс да став пежторсӧ, мый вӧлі Иуда муын да Ерусалимын. Тадзи сійӧ збыльмӧдіс Индӧд кывъяссӧ, мый вӧлі гижӧма небӧгӧ, кодӧс аддзис Господьлӧн крамысь Хилки поп.