Индӧд 16:19 - Коми Библия 2023

¹⁹ Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Индӧд 16:19 Referans Kwoze

Левит 19:15

Ёрд вылын ло веськыд. Мыжды веськыда, эн видзӧд чужӧм вылӧ. Гӧль и озыр морт мед лоӧны тэныд ӧткодьӧсь.

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Шусьӧгъяс 17:23

Ентӧг олысь гусьӧн козинтӧ босьтӧ, медым торкны веськыда мыждӧмсӧ.

Аввакум 1:4

Индӧдыс лои вынтӧм, веськыда мыждӧмыс абу. Лёк вӧчысь дзескӧдӧ мыжтӧмӧс, ёрдысьяс оз веськыда мыждыны.

Индӧд 24:17

Йӧз муысь локтысьлысь да батьтӧм-мамтӧмлысь [да дӧвалысь] могъяссӧ видлалігӧн лоӧй веськыдӧсь. Дӧвалысь паськӧмсӧ уджйӧзӧн сетӧмсьыныд энӧ босьтӧй.

Индӧд 10:17

Ӧд Господь, тіян Енныд, – енъяслӧн Ен да ыджыдъяслӧн Ыджыдыс. Сійӧ ыджыд, вына да повзьӧдана, Сійӧ оз видзӧд чужӧм вылӧ, козинъяс оз босьт.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Еклесиаст 7:7

Мӧдӧс дзескӧдӧм вӧсна и мывкыда морт лоӧ вежӧртӧмӧн, козин босьтӧмыд тшыкӧдӧ сьӧлӧмтӧ.

Шусьӧгъяс 24:23

Мывкыд йӧзсянь нӧшта шусьӧгъяс. Ёрдысь мед мыждӧ веськыда, оз чужӧм вылӧ видзӧдӧмӧн.

Индӧд 27:19

”Ёрӧм улӧ веськалӧ быдӧн, коді йӧз муысь локтысьлысь, батьтӧм-мамтӧмлысь да дӧвалысь могъяссӧ оз веськыда видлав”. И став войтырыс мед шуас: ”Мед лоӧ тадзи!”

Ап. уджъяс 23:3

Павел шуис сылы: «Тэнӧ Енмыс пондас нӧйтны, еджыдӧн мавтӧм стен! Тэ пуксин мыждыны менӧ Индӧд серти, но ачыд Индӧдыслы паныд сувтан, тшӧктан нӧйтны менӧ».

Ап. уджъяс 16:37

Павел шуис юралысьяслӧн отсасьысьяслы: «Миянӧс, римса йӧзӧс, найӧ мыждытӧг став йӧз водзас нӧйтісны да шыбитісны дзескыдінӧ, а ӧні кӧсйӧны гусьӧн лэдзны! Огӧ петӧй. Мед асьныс локтасны да петкӧдасны миянӧс татысь».

Ап. уджъяс 10:34

Петыр шуис: «Ме збыльысь ӧні гӧгӧрвоа, мый Енмыслы став йӧзыс ӧткодьӧсь.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Исай 33:15

Сійӧ, коді олӧ веськыда да висьталӧ збыльсӧ, коді оз кӧсйы озырмӧдчыны мукӧдсӧ дзескӧдӧмӧн, коді оз босьт козин, а мыждӧ веськыда, коді оз кӧсйы ӧтувтчыны вир кисьтысьяскӧд, коді мустӧмтӧ лёк вӧчысьяслысь уджъяссӧ.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Шусьӧгъяс 24:28

Матыссаыд йылысь ылӧгсӧ эн висьтав – мыйла тэныд пӧръясьнысӧ?

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.

Петӧм 18:21

Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

Петӧм 23:3

Гӧль мортӧс ёрд водзын подулавтӧг эн дорйы.

Индӧд 16:18

«Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

Ӧксыяслӧн 1 небӧг 8:1

Кор Самуил пӧрысьмис, сійӧ пуктіс ассьыс пиянсӧ Израиль войтырлы ёрдысьясӧ.

Псалтыр 15:5

Господьӧй, Тэ менам пайыс да олӧмыс, менам пудйыс Тэнад киын.

Шусьӧгъяс 15:27

Горшасьысь аслас керкаӧ шог вайӧ, а коді козинъяс вылӧ абу горш, сійӧ дыр олӧ.

Шусьӧгъяс 18:5

Абу бур сулавны лёк вӧчысь дор да мыжтӧмӧс мыждыны.

Шусьӧгъяс 31:5

Код юрнад вунӧдан индӧдсӧ, коньӧръясӧс он веськыда мыжды.

Индӧд 27:25

”Ёрӧм улӧ веськалӧ быдӧн, коді босьтӧ козин, медым вины мыжтӧмӧс”. И став войтырыс мед шуас: ”Мед лоӧ тадзи!”

Езекиль 18:8

Сетӧ кӧ уджйӧзӧн, бӧрсӧ содтӧдӧн оз босьт. Лёксӧ сійӧ оз вӧч, а вензьӧмъяс дырйи веськыда мыждӧ.