Индӧд 15:9 - Коми Библия 2023

⁹ Видзчысь, сьӧлӧмад эн лэдз шогмытӧм мӧвп, мый сизимӧд воыс, уджйӧз киритан воыс, матыстчӧ нин, и та вӧсна гӧль вокыдлы нинӧм он сет. Тэ кӧ он ло бур сьӧлӧма сы дінӧ, сійӧ кутас норасьны тэ вылӧ Господьлы, и тэ вылын лоӧ [ыджыд] мыж.

Индӧд 15:9 Referans Kwoze

Индӧд 24:15

Вештысь сылы шонді пуксьытӧдзыс сійӧ жӧ лунӧ, ӧд гӧльлун вӧснаыс сійӧ виччысьӧ ассьыс удждонсӧ. Он кӧ вӧч тадзи, сійӧ шыасяс Господь дінӧ, норасяс тэ вылӧ, и тэ мыжа лоан.

Матвей 20:15

Ог ӧмӧй ме вермы ассьым сьӧмӧс видзны ас кӧсйӧм серти? Тэнад ӧмӧй вежыд петӧ, мый ме бур сьӧлӧма?”

Яков 5:9

Вокъяс, энӧ мыжалӧй ӧта-мӧднытӧ, медым Енмыс эз мыжды тіянӧс. Мыждысьыс сулалӧ нин ӧдзӧс дорын.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

Петӧм 22:23

Кутанныд кӧ дзескӧдны, найӧ шыасясны Ме дінӧ, и Ме кыла налысь ойзӧмсӧ.

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Шусьӧгъяс 28:22

Колысь морт тэрмасьӧ озырмыны, но оз тӧд, мый гӧльлун суас сійӧс.

Шусьӧгъяс 23:6

Эн мун сёйны лёк сьӧлӧма морт дінӧ, эн ышты сылӧн чӧскыдторъяс вылӧ.

Иов 34:28

Мыждӧ найӧс, ӧд гӧльяслӧн бӧрдӧмыс воис Сыӧдз, коньӧръяслысь ойзӧмсӧ Сійӧ кыліс.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

1 Петыр 4:9

Сибӧдӧй ӧта-мӧднытӧ шуасьтӧг.

Яков 4:17

Сідзкӧ, коді тӧдӧ, мый колӧ бурсӧ вӧчны, но оз вӧч, сійӧ мыжмӧ.

Яков 4:5

Гашкӧ, ті чайтанныд, мый Гижӧдыс весьшӧрӧ висьталӧ: «Вежӧгтӧмӧн радейтӧ лолыс, коді олӧ миян пытшкын».

Шусьӧгъяс 24:9

Вежӧртӧмлӧн кӧсйӧмыс – мыж, Енмӧс омӧльтысь – йӧзыслы зывӧк.

Шусьӧгъяс 21:13

Коді оз кыв гӧль мортлысь бӧрдӧмӧн корӧмсӧ, сійӧс асьсӧ оз кывны, кор кутас бӧрдны-корны.

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Псалтыр 9:12

Сьылӧй Господьлы, Сионын Олысьлы, войтыръяс пӧвстын висьтавлӧй Сылӧн уджъясыс йылысь!

Индӧд 15:1

«Быд сизимӧд воыс тіян мед лоӧ уджйӧз киритан во.

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

Псалтыр 101:3

Эн дзеб меысь Ассьыд чужӧмбантӧ, менам шогсигӧн копырт мелань Ассьыд пельтӧ. Тэ дінӧ ме шыася, тэрмась вочавидзны меным.

Петӧм 22:22

Дӧваясӧс да батьтӧм-мамтӧмъясӧс энӧ дзескӧдӧй.

Индӧд 31:10

Мӧисей тшӧктіс налы: «Быд сизимӧд воӧ, уджйӧз киритан воӧ, Чом вӧчан лунъяс пасйигӧн,

Шусьӧгъяс 14:21

Коді матыссасӧ мустӧмтӧ, сійӧ мыж вӧчӧ, коді гӧль морт дінӧ бур сьӧлӧма, сійӧ – майбыр.

Еремей 34:14

сизимӧд вонас лэдзны вӧля вылӧ ассьыныс еврей вокъяснысӧ, кодъяс асьнысӧ вузалісны кесйӧг пыдди. Татшӧм мортыс мед кесъялас квайт во, а сэсся сійӧс колӧ лэдзны вӧля вылӧ. Но тіян батьясныд эз кывзыны Менӧ, эз сибӧдны Менсьым кывъясӧс.