Индӧд 15:11 - Коми Библия 2023

¹¹ Тіян муын гӧль йӧзыс пыр лоасны, та вӧсна ме тшӧкта тіянлы лышкыда сетны гӧльяслы да коньӧръяслы, асланыд вокъяслы».

Индӧд 15:11 Referans Kwoze

Марк 14:7

Гӧльяс пыр лоасны тіянкӧд, и ті верманныд вӧчны налы бурсӧ, кор кӧсъянныд, а Ме тіянкӧд ог пыр ло.

Матвей 26:11

Гӧльяс пыр лоасны тіянкӧд, а Ме тіянкӧд ог пыр ло.

Иоан 12:8

Гӧльяс пыр лоасны тіянкӧд, а Ме ог пыр ло».

Индӧд 15:8

Мед тэнад киыд лоӧ сетана киӧн, уджды сылы сы мында, мыйта сылы колӧ.

Шусьӧгъяс 22:2

Озыр да гӧль морт ӧткодьӧсь, кыкнаннысӧ Господь вӧчӧма.

Лука 12:33

Вузалӧй ассьыныд овмӧстӧ, сьӧмсӧ сетӧй гӧльяслы. Лӧсьӧдӧй аслыныд важмытӧм видзанінъяс да чӧжӧй бырлытӧм озырлун енэжӧ. Сэтчӧ гусясьысь оз пыр да сэні воз оз сёй.

Ап. уджъяс 2:45

Найӧ вузавлісны ассьыныс овмӧс-эмбурнысӧ, а сьӧмсӧ юклісны быдӧнлы колана мында.

Матвей 5:42

Тэнсьыд корысьлы сет, водзӧсӧн босьтысьӧс эн вӧтлы».

Индӧд 15:7

Сійӧ муас, мый Господь, тіян Енныд, сетас тіянлы, войтыр пӧвстаныд кӧ карын либӧ сиктын лоӧ гӧль морт, сэки энӧ чорзьӧдӧй сьӧлӧмнытӧ, энӧ кольӧй вокнытӧ отсӧгтӧг.

Шусьӧгъяс 31:20

Сійӧ сетӧ гӧльяслы, отсасьӧ коньӧръяслы.

Езекиль 18:7

Сійӧ некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс. Сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ.

Петӧм 23:11

а сизимӧд вонас мутӧ шойччӧд. Сэтысь мед сёясны тэнад войтыр пӧвстысь гӧльяс, а мый коляс – вӧрса пемӧсъяс. Тадзикӧн тшӧтш виноград да олив пуястӧ вӧдит.

Шусьӧгъяс 19:17

Гӧль мортлы отсалысь водзӧсӧн сетӧ Господьлы, ӧд Господь мынтысяс сылы бурсӧ вӧчӧмысь.