Индӧд 14:22 - Коми Библия 2023

²² «Быд во торйӧд дасӧд юкӧнсӧ сыысь, мый быдмӧ тэнад му вылын.

Индӧд 14:22 Referans Kwoze

Неемий 10:37

Миян Енлӧн крам видзанінъясӧ попъяслы ми пондам вайны выль быдтасысь медводдза пӧжалӧм сӧчӧн да мукӧд вайӧмторъяс, быдпӧлӧс пулысь вотӧс, вина да олив вый. Мувыв быдтасысь дасӧд юкӧныс лоӧ левитъяслы. Найӧ мед чукӧртасны сійӧс быд карын, кӧні вӧдитӧны муяс.

Индӧд 12:17

Асланыд оланінъясын тіянлы оз позь сёйны дасӧд юкӧнсӧ, мый торйӧданныд няньысь, винаысь да олив выйысь, а сідзжӧ оз позь сёйны ыж-мӧсныдлысь медводдза чужысьсӧ, кыв сетан висьяснытӧ, ас кӧсйӧм серти ваян висьяснытӧ да вайӧмторъяснытӧ.

Индӧд 12:6

да вайӧй ассьыныд сотан висьястӧ да мукӧд висьястӧ, мувыв быдтасысь дасӧд юкӧнтӧ да вайӧмторъястӧ, кыв сетан висьястӧ, ас кӧсйӧм серти ваян висьястӧ [бурасян висьястӧ] да ыж-мӧсныдлысь медводдза чужысьяссӧ.

Лыд 18:21

Му пыдди Ме сета Левий пиянлы дасӧд юкӧнсӧ ставсьыс, мый лоӧ быдтӧма Израиль муын. Тадзи вежа чом бердын кесъялӧмысь налӧн лоӧ удждон.

Олӧм 28:22

Тайӧ изйыс лоас [меным] Ен керкаӧн. И ставсьыс, мый Тэ сетан меным, ме сета Тэныд дасӧд юкӧнсӧ».

Лыд 15:20

выль быдтасысь медводдза пӧжалӧм нянь. Вайӧй сійӧс гумла вылысь ваян козинӧс моз.

Малакий 3:10

– Став дасӧд юкӧннытӧ вайӧй видзанінъясӧ, медым Менам керкаын вӧлі сёян. Татшӧм ногӧн тӧдмалӧй Менӧ, – висьталӧ Господь Саваоф. – Ме ӧмӧй ог восьт тіянлы енэжвыв ӧшиньяссӧ, ог ӧмӧй лышкыда кисьт тіян вылӧ бурсиӧмсӧ?

Олӧм 47:24

Но кор кутанныд вундыны, витӧд пайсӧ вайӧй фараонлы. Витсьыс нёльсӧ кольӧй кӧйдыс вылӧ и челядьныдкӧд да гортсаясныдкӧд сёйӧм вылӧ».

Олӧм 47:26

Фараонлы витӧд пай сетӧм йылысь тшӧктӧмыс, мый лӧсьӧдіс Ӧсип, ӧнӧдз вына Египет муын. Сӧмын попъяслӧн муыс эз вудж фараонлы.

Лыд 18:31

А мый тіянлы коляс, сійӧс ті асланыд котыръяскӧд верманныд сёйны, кӧні кӧсъянныд. Тайӧ лоӧ тіян удждонныд вежа чомйын кесъялӧмысь.

Неемий 10:38

Аарон рӧдысь поп мед лоӧ левитъяскӧд, кор найӧ пондасны чукӧртны дасӧд юкӧнсӧ войтырлысь. Тайӧ дасӧд юкӧнысь дасӧд пайсӧ левитъяслы колӧ нуны миян Енлӧн крам видзанінӧ.