Индӧд 14:21 - Коми Библия 2023

²¹ Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».

Индӧд 14:21 Referans Kwoze

Петӧм 23:19

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Петӧм 34:26

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Индӧд 14:2

Ӧд ті – Господь Енлӧн вежа войтырыс. Господь бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Левит 22:8

Шой да косявлӧм пемӧсӧс сылы оз позь сёйны, медым насянь эз пежав асьсӧ. Ме – Господь.

Левит 17:15

Вужвойтыр пӧвстысь либӧ йӧз муысь локтысьяс пӧвстысь кӧ кодкӧ сёяс шой либӧ косявлӧм пемӧслысь яй, сійӧ мед мыськалас паськӧмсӧ да ачыс тшӧтш мыссяс. Рытӧдзыс сійӧ лоӧ пеж, а сэсся лоӧ сӧстӧм.

Езекиль 4:14

Ме шуи: «Господьӧй Ыджыдӧй! Ме некор эг пежавлы ачымӧс. Том кадсянь талунъя лунӧдз ме эг сёйлы зверӧн косявлӧм пемӧслысь либӧ шой пемӧслысь яй. Ме вомӧ эг босьтлы пеж яй».

1 Петыр 1:16

Гижӧма: «Лоӧй вежаӧсь, ӧд Ме вежа».

Римӧ 12:2

Энӧ вужъясьӧй тайӧ мувывса оласногас. Лэдзӧй Енмыслы вежны тіянӧс, выльмӧдны вежӧрнытӧ, медым тӧдны тіянлы Сылысь кӧсйӧмсӧ: мый колана, шогмана да тыр-бур.

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Даниил 12:7

Ме аддзи шабді паськӧма анделӧс, коді сулаліс ва весьтын. Веськыд да шуйга кисӧ енэжланьыс кыпӧдӧмӧн сійӧ кыв сетіс помтӧг Олысь водзын: «Коляс ӧти кадколаст, сэсся кык кадколаст да нӧшта кадколаст джын. Кор вежа войтырӧс лоӧ разӧдӧма, сэки ставыс тайӧ инас».

Даниил 8:24

Сійӧ лоӧ зэв вына, но оз аслас вынӧн сійӧ вынсяв. Сылӧн ставыс кутас артмыны, сійӧ куштас-пазӧдас ставсӧ, бырӧдас вынаясӧс да вежа войтырӧс.

Петӧм 19:6

Ті лоанныд Менам попъясӧн да вежа войтырӧн. Висьтав тайӧ кывъяссӧ Израиль пиянлы».

Левит 11:40

Коді сёяс татшӧм яйсӧ либӧ нуас-петкӧдас шойсӧ, сылы колӧ мыськавны паськӧмсӧ, сійӧ рытӧдзыс лоӧ пеж.

Индӧд 7:6

Ӧд ті – Господь Енлӧн вежа войтырыс. Господь, тіян Енныд, бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 14:20

Сӧстӧм лэбалысьясӧс ті верманныд сёйны.

Езекиль 44:31

Попъяслы оз позь сёйны пӧтка-пемӧс шой да зверӧн косявлӧм пӧтка-пемӧс».

Петӧм 22:30

Вайӧй ыж-мӧсныдлысь [да осёлъясныдлысь] медводдза чужысьӧс. Сизим лун видзӧй сійӧс мам дінас, а кӧкъямысӧд луннас вайӧй сійӧс Меным.