Индӧд 13:6 - Коми Библия 2023

⁶ Тэнӧ кӧ вокыд, [батьыдлӧн пиыс либӧ] мамыдлӧн пиыс, аслад пиыд либӧ нылыд, радейтана гӧтырыд либӧ меддона ёртыд гусьӧн корас мунны сыкӧд да кесъявны мукӧд енъяслы, кодъясӧс ті да тіян батьясныд онӧ тӧдӧй,

Индӧд 13:6 Referans Kwoze

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Шусьӧгъяс 18:24

Гӧль мортыд кевмӧ-корӧ, озырыд чорыда вочавидзӧ.

Восьтӧм 20:3

Андел шыбитіс сійӧс пыдӧстӧминӧ да йигналіс сэтчӧ. А петанінсӧ тупкис печатьӧн, медым гундыр эз пет да эз ылӧдлы войтыръясӧс, кытчӧдз оз помась сюрс воыс. Та бӧрти сійӧс лоӧ лэдзӧма дженьыд кад кежлӧ.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Ӧксыяслӧн 1 небӧг 20:17

Аслас муслунӧн Ионафан кӧсйысис Давидлы видзны кӧрталӧм йитӧдсӧ, ӧд сійӧ радейтіс Давидӧс асьсӧ моз.

Ӧксыяслӧн 1 небӧг 18:3

Ионафан асьсӧ моз радейтіс Давидӧс, та вӧсна кӧрталіс сыкӧд йитӧд.

Ӧксыяслӧн 1 небӧг 18:1

Давидлӧн Саулкӧд сёрнитӧм бӧрын Ионафан став сьӧлӧмнас кӧртасис Давид дінӧ, кутіс радейтны сійӧс асьсӧ моз.

Индӧд 29:18

Но тіян пӧвстын мед оз лоны сэтшӧм айуловыс да аньыс, рӧдыс да чужанкотырыс, коді эськӧ кежис Господьысь, миян Енмысь, да кутіс юрбитны тайӧ войтыръяслӧн енъяслы. Мед оз ло тіян пӧвстын сэтшӧм мортыс, кодсянь петӧ яд да курыд зелля.

Индӧд 28:54

Весиг небыд сьӧлӧма да лелькуйтӧм айлов кутас лӧгпырысь видзӧдны аслас вокыс вылӧ, аслас гӧтырыс вылӧ да ныв-пиыс вылӧ, кодъяс лоӧны ловъяӧсь на.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Колосӧ 2:4

Висьтала тайӧс, медым некод эз кежӧд тіянӧс аслас эскӧдана сёрниӧн.

Галатӧ 2:4

Тайӧс ёна кӧсйисны ылӧгвокъяс. Найӧ сибӧдчисны миян дінӧ кыйӧдчысьяс моз, медым тӧдмавны, мыйсяма мездлун миян эм Исус Кристоссянь. Найӧ зілисны бӧр сюйны миянӧс Индӧд улӧ.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.

Иов 31:27

менам сьӧлӧмӧй кӧ гусьӧн копрасис налы, ме кӧ ыстылі налы ки пыдӧсын окыштӧмӧс,

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.

Ёрдысьяс 5:8

Войтырыс вӧлі бӧрйӧма выль енъясӧс, та вӧсна дзиръя дорӧдз вӧрӧг локтіс. Израильын вӧлі нелямын сюрс тышкаморт, но сайӧдыс-шыпуртыс налӧн эз вӧв.

Ёрдысьяс 2:13

Найӧ эновтісны Господьӧс да кутісны кесъявны Ваал да Астарта идолъяслы.

Олӧм 16:5

Сара шуис Ӧврамлы: «Тэ мыжа менӧ увтыртӧмысь. Ме сеті кесйӧг аньӧс тэныд, а сійӧ кынӧмасьӧм бӧрас кутіс нинӧмӧ пуктыны менӧ. Господь мед лоас ёрдысьӧн тэа-меа костын».

Шусьӧгъяс 5:20

Пиӧй, мыйла тэныд ылавнысӧ, мыйла кутлыны мӧдлысь гӧтырсӧ?

Ӧксыяслӧн 2 небӧг 1:26

Ёна шогся тэ вӧсна, Ионафан вокӧй. Тэ вӧлін меным вывті муса, тэнад муслуныд вӧлі меным аньлӧн муслун дорысь на донаджык.

Индӧд 13:2

мый сэсся збыльмас, и сійӧ ышӧдас тіянӧс мунны тӧдтӧм енъяс бӧрся да кесъявны налы,

Индӧд 13:7

и кодъяслы юрбитӧны тіян гӧгӧр матын либӧ ылын олысь войтыръяс ӧтар му помсянь мӧдар му помӧдзыс,

2 Каднебӧг 15:13

да вины быдӧнӧс, коді оз кут корсьны Господьӧс, Израильлысь Енсӧ, том морт-ӧ сійӧ либӧ пӧрысь, айлов-ӧ сійӧ либӧ ань.

2 Каднебӧг 23:17

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас.

Еремей 44:3

Тайӧ каръясас олысьясыс кесъялісны да сотісны висьяс мукӧд енъяслы. Татшӧм лёк вӧчӧмнаныс найӧ скӧрмӧдісны Менӧ. Тайӧ енъяссӧ найӧ эз тӧдлыны, энӧ тӧдлӧй ни ті ни тіян батьясныд.

Закар 13:3

Пондас кӧ кодкӧ ылӧдлӧмӧн пророкавны, сэки сылӧн бать-мамыс шуасны сылы, тэ пӧ ылӧгсӧ висьталан Господь нимсянь, та вӧсна тэ он кут овны. Аслас бать-мамыс кувмӧныс бытшкасны сійӧс ылӧг пророкалӧмсьыс.

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Петӧм 32:27

Мӧисей шуис налы: «Господь, Израильлӧн Ен, тадзи висьталӧ: ”Вӧнялӧй косканыд ассьыныд шыпуртнытӧ, мунӧй чомъяс сулаланінӧд помсянь помӧдзыс да виӧй быдӧнӧс, кодкӧд паныдасянныд, весиг вокнытӧ, ёртнытӧ да матыссанытӧ”».

Индӧд 8:14

видзчысьӧй, медым асьнытӧ вылӧ энӧ пуктӧй да энӧ вунӧдӧй Господьӧс, ассьыныд Ентӧ, ӧд Сійӧ петкӧдіс тіянӧс Египет муысь нартитӧм улысь.

Индӧд 11:32

Сідзкӧ, кывзысьӧмӧн олӧй [Сылӧн] став индӧд-тшӧктӧмыс серти, мый талун висьтала тіянлы».

Индӧд 17:12

Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.

Индӧд 18:20

Но коді Менам нимсянь висьталас, мый Ме эг тшӧкты висьтавны, либӧ висьталас мукӧд ен нимсянь, татшӧм пророкӧс мед виасны”.

Индӧд 19:19

сэки мыжалысьлы вӧчӧй сійӧ, мый кӧсйис вӧчны вокыслы. Бырӧдӧй лёксӧ ас пӧвстсьыныд.

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Индӧд 22:21

сэки аньсӧ мед вайӧдасны бать керка ӧдзӧс дорас, и карса айулов мед изъяласны сійӧс кувтӧдзыс. Ӧд бать керкаын олігас сійӧ кырсалӧмнас шогмытӧмтор вӧчис Израильын. Бырӧдӧй лёксӧ ас пӧвстсьыныд.

Индӧд 24:7

Коді гусялас мортӧс аслас Израиль войтыр пӧвстысь да видзас сійӧс кесйӧг туйӧ либӧ вузалас, сійӧс колӧ вины. Бырӧдӧй лёксӧ ас пӧвстсьыныд.

Нав Исус 7:13

Чеччы! Вежӧд войтыртӧ да висьтав налы, мед асывводз кежлас вежӧдасны-сӧстӧммӧдасны асьнысӧ, ӧд Господь, Израильлӧн Ен, тадзи висьталӧ: Израиль войтыр, тіян пӧвстын эмӧсь ёрӧм улӧ веськалӧмаяс. Кытчӧдз онӧ бырӧдӧй найӧс ас пӧвстсьыныд, вӧрӧгнытӧ онӧ вермӧй.

Ёрдысьяс 20:13

Сетӧй миян киӧ Гиваын олысь шогмытӧм йӧзсӧ. Ми виам найӧс, тадзи бырӧдам Израильысь лёксӧ». Но Венямин чужанкотыр эз кут кывзыны Израиль пиянӧс, ассьыныс вокъяснысӧ.

Ӧксыяслӧн 3 небӧг 18:40

Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис.

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

Еремей 28:15

Еремей пророк шуис Хананей пророклы: «Кывзы, Хананей! Господь тэнӧ эз мӧдӧдлы. Тэ ышӧдан тайӧ войтырсӧ лача кутны ылӧг вылӧ.

Еремей 28:16

Та вӧсна Господь тадзи висьталӧ: Ме чышкышта тэнӧ му вывсьыс. Тайӧ вонас тэ кулан, ӧд тэ ышӧдін тайӧ войтырсӧ Господьлы паныд кыпӧдчыны».