Индӧд 13:16 - Коми Библия 2023

¹⁶ Став эмбурсӧ чукӧртӧй карса изэрд вылӧ, а сэсся сотӧй карсӧ Господьлы, асланыд Енлы, ваян висьӧс моз. Карсӧ мед некор оз ло выльысь лэптӧма, сэні мед некод оз кут овны.

Индӧд 13:16 Referans Kwoze

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Нав Исус 8:28

Гай карсӧ Исус сотіс. Тайӧ карыс пыр кежлӧ овтӧмӧн колис, ӧнӧдз сійӧ татшӧм.

Исай 25:2

Карсӧ Тэ кисьтін, сійӧ лои из чукӧрӧн, изкарыс лои лӧп чукӧрӧн. Нартитысьяслысь керкаяссӧ жуглӧма, найӧс некор нин бӧрсӧ оз лэптыны.

Исай 17:1

Дамаск йылысь водзвыв висьталӧм. Дамаск кар бырас, сійӧ лоӧ киссьӧм карӧн.

Нав Исус 6:24

Раавӧс, кырсалысь аньӧс, сылысь став гортсасӧ да батьыслысь рӧдсӧ Исус ловйӧн колис. Раавлӧн рӧдыс ӧнӧдз олӧ израильсаяс пӧвстын, ӧд сійӧ дзебліс ас ордас Ерикон карӧ кыйӧдчыны волысьясӧс, кодъясӧс мӧдӧдліс Исус.

Микей 1:6

– Ме кисьта Самария кар, сыысь коляс сӧмын из чукӧр, кытчӧ пуктасны виноград. Изъяссӧ ковтысӧ шыблала, карсӧ подулӧдзыс кисьта-бырӧда.

Нав Исус 6:26

Исус нималіс став му пасьталаыс, ӧд Господь вӧлі сыкӧд.

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Индӧд 7:26

Зывӧкторсӧ энӧ пыртӧй асланыд керкаясӧ, медым зывӧкторсӧ моз тіянӧс эз бырӧдны. Мустӧмтӧй-зывӧктӧй идолъясӧс, найӧс колӧ дзикӧдз бырӧдны».

Езекиль 26:14

Ме вӧча тэысь изкырта, кӧні чери кыйысьяс пондасны тӧлӧдны тывъяснысӧ. Тэнӧ некод выльысь оз лэпты. Тайӧс шуи Ме, Господь, – висьталӧ Господь Ыджыдыс.

Петӧм 22:19

Быдӧнӧс, коді узьлӧ пемӧскӧд, колӧ вины.

Нав Исус 6:21

Тайӧ муас кыйӧдчыны волысь кык мортлы Исус шуис: «Мунӧй кырсалысь аньлӧн керкаӧ да кыв сетӧм сертиныд петкӧдӧй сійӧс да став сылысь гортсасӧ».