Индӧд 12:5 - Коми Библия 2023

⁵ Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Индӧд 12:5 Referans Kwoze

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 26:2

сэки став быдтасысь чуктӧдӧй медводдза босьтӧмторнытӧ. Пукты медводдза босьтӧмтортӧ кудйӧ да мун сійӧ местаас, мый Господь, тэнад Енмыд, бӧръяс Аслас нимлы оланінӧн.

2 Каднебӧг 7:12

Войнас Господь петкӧдчис Соломонлы да шуис: «Ме кылі тэнсьыд кевмысьӧмтӧ да бӧрйи тайӧ местасӧ, медым тані вӧлі крам, кӧні кутасны вайны висьяс.

Индӧд 16:2

Вайӧй Господьлы, асланыд Енлы, ыджыдлунся вись пыдди ыж-кӧзаӧс да ӧш-мӧскӧс. Начкӧй висьсӧ сійӧ местаас, мый Господь бӧръяс Аслас нимлы оланінӧн.

Ӧксыяслӧн 3 небӧг 8:29

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

Индӧд 12:13

Видзчысьӧй, энӧ вайӧй сотан висьнытӧ, кӧні веськалӧ.

Колосӧ 2:9

Кристосын, Сылӧн морт вир-яйын, тыдовтчис Енлӧн став тырвыйӧлуныс.

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

Ӧксыяслӧн 3 небӧг 8:20

Господь збыльмӧдіс Ассьыс шуӧм кывсӧ. Ӧні ме пукала Давид батьлӧн юралан пуклӧсын да веськӧдла Израильӧн, кыдзи Господь и шуліс. Ме лэпті Израильлӧн Господь Енлы крам.

Ӧксыяслӧн 3 небӧг 8:16

”Ассьым Израиль войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. [А ӧні Ме бӧрйи Ерусалим кар, медым сэні вӧлі Менам нимӧй.] Ме бӧрйи Давидӧс, медым сійӧ веськӧдліс Менам Израиль войтырӧн”.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Лыд 7:89

Кор Мӧисей пыравліс вежа чомйӧ сёрнитны Господькӧд, сійӧ кывліс гӧлӧс шы Йитӧд куд вевт вывсянь кык херувим костысь. Тадзи Господь сёрнитіс Мӧисейкӧд.

1 Каднебӧг 22:1

Давид шуис: «Тані лоӧ Господь Енлӧн керкаыс, тайӧ висьпуктанін вылас Израиль войтыр кутасны сотны висьяс».

Ӧксыяслӧн 3 небӧг 14:21

Соломонлӧн Ровоам пиыс ӧксыаліс Иуда муын. Ӧксыӧ пуксигас Ровоамлы вӧлі нелямын ӧти арӧс. Дас сизим во чӧж сійӧ юраліс Ерусалим карын. Израильса чужанкотыръяслӧн каръясысь Господь бӧрйис тайӧ карсӧ, медым сэні вӧлі Сылӧн нимыс. Ровоамлӧн мамыс вӧлі аммон войтырысь Наама.

Нав Исус 18:1

Став Израиль войтыр чукӧртчис Силомӧ да сувтӧдіс вежа чом. Муыс вӧлі израильсаяслӧн киын,

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Нав Исус 9:27

Тайӧ лунсяньыс Исус уджӧдіс [гаваонса олысь] хивейясӧс, налы ковмис керавны пес да ваявны ва Израиль войтырлы, а сідзжӧ Господьлӧн висьпуктанінӧ. Сійӧ местаас, мый бӧрйӧма Господь, найӧ ӧнӧдз вӧчӧны тайӧ уджсӧ.

Петӧм 15:2

Господь – менам выныс да сьыланкывйыс, Сійӧ мездіс менӧ. Сійӧ – менам Ен, ме нимӧда Сійӧс, Сійӧ – батьӧйлӧн Ен, медвылӧ кыпӧда Сійӧс.

Восьтӧм 14:1

Сэсся ме видзӧдлі да аддзи, мый Сион керӧс вылын сулалісны Баля да Сыкӧд орччӧн сё нелямын нёль сюрс морт. Налӧн плешканыс вӧлі гижӧма Сылӧн Батьлысь нимсӧ.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Индӧд 12:4

Господьлы, асланыд Енлы, кесъялігӧн на моз энӧ вӧчӧй.

Индӧд 12:18

Сёйӧй висьнытӧ Господь Енныд водзын Сылӧн бӧрйӧм местаын. Тіянкӧд ӧтлаын мед сёясны ныв-пиныд, кесйӧгъясныд, а сідзжӧ тіян карын олысь левитъяс [да йӧз муысь локтысьяс]. Нимкодясьӧй Господь Енныд водзын быдтор вӧсна, мый удж помысь перйинныд аслыныд.

Индӧд 14:23

Няньсьыд, винасьыд да олив выйсьыд дасӧд юкӧнсӧ, тшӧтш ыж-мӧскыдлысь медводдза чужысьсӧ, сёй аслад Господь Ен водзын сійӧ местаас, мый Сійӧ бӧръяс Аслас нимлы оланінӧн. Тадзи тэ велӧдчан повны Господьысь, аслад Енмысь, став олан лунъяс чӧжыд.

Индӧд 14:24

Но тэсянь кӧ ылын лоӧ сійӧ местаыс, мый Господь, тэнад Енмыд, бӧръяс Аслас нимлы оланінӧн, и та вӧсна ассьыд дасӧд юкӧнтӧ он вермы нуны сэтчӧ, ӧд Господь бурсиӧ тэнӧ,

Индӧд 15:20

Господьлӧн [тіян Енлӧн] бӧрйӧм местаын быд во сёйӧй найӧс став котырнаныд Господь Енныд водзын.

Индӧд 16:6

а позьӧ начкыны сӧмын сійӧ местаас, мый Господь, тіян Енныд, бӧръяс Аслас нимлы оланінӧн. Начкӧй ыджыдлунся висьтӧ рытнас шонді пуксигӧн, дзик сійӧ кадас, кор ті петінныд Египетысь.

Индӧд 17:8

«Асланыд карын кор ті кутанныд видлавны виӧм, вензьӧм либӧ дойдӧм йылысь могъяс, и тіянлы лоӧ сьӧкыд веськыда мыждыны, сэки мунӧй сійӧ местаас, мый Господь, тіян Енныд, бӧръяс [медым сэні ті шыасинныд Сы дінӧ].

Индӧд 31:11

кор став Израиль войтырыс локтас Господь Енныд водзӧ сійӧ местаас, мый бӧръяс Господь, сэки гораа лыддьӧй тайӧ Индӧдсӧ налы.

Нав Исус 22:11

Мукӧд Израиль пиянлы кывсис, мый Рувим да Гад чужанкотыръяс да Манассейлӧн джын чужанкотырыс Ханаан муын израильсаяслӧн оланінӧ Йӧрдан ю бокӧ лэптӧмаӧсь висьпуктанін.

Ездра 3:2

Иоседеклӧн Исус пиыс аслас вокъяскӧд, кодъяс вӧліны попъясӧн, да Шеалтиэллӧн Зоровавель пиыс аслас вокъяскӧд вӧчисны Израильлӧн Енлы висьпуктанін, медым вайны сэні сотан висьяс, кыдзи гижӧма Енлӧн морт Мӧисейлӧн Индӧдын.

Ездра 6:12

Енмыс, коді бӧрйис Ерусалим кар Аслас нимлы оланінӧн, мед бырӧдас быд ӧксыӧс да войтырӧс, кодъяс паныд кыпӧдчасны тайӧ тшӧктӧмыслы да лёктор вӧчасны Енлӧн ерусалимса крамлы. Ме, Дарий, гижи тайӧс. Менсьым тшӧктӧмӧс мед стӧча пӧртасны олӧмӧ».

Ездра 7:17

Чукӧртӧм сьӧм вылад дзик пыр ньӧб ӧшъясӧс, межъясӧс, баляясӧс, нянь да вина, сэсся Ерусалимын асланыд Енлӧн крамын висьпуктанін вылын вай найӧс вись пыдди.

Еремей 7:14

Та вӧсна тайӧ керкаыскӧд, мый сиӧма Менам нимлы, и мый вылӧ ті лача кутанныд, да тайӧ муыскӧд, мый Ме сеті тіянлы да тіян батьяслы, Ме вӧча Силом каркӧд моз.

Еремей 26:2

«Господь тадзи висьталӧ: сувт Господьлӧн крам йӧрас. Иуда каръясысь олысьяс кор локтасны сэтчӧ, медым юрбитны Господьлӧн крамын, висьтав налы ставсӧ, мый Ме тшӧкта тэныд висьтавны, нинӧм эн чинты.

Левит 17:4

а оз вайӧд сійӧс вежа чом пыранін дорӧ, [медым вайны сотан вись либӧ бурасян вись пыдди, мый лоӧ Господьлы шогмана чӧскыд ӧвтантор,] медым Господьлӧн оланін водзын вайны сійӧс Господьлы вись пыдди, сэки тайӧ мортыс лоӧ мыжа вир кисьтӧмысь. Сійӧс лоӧ бырӧдӧма аслас войтыр пӧвстысь.

Индӧд 16:7

Дасьтӧй да сёйӧй яйсӧ сійӧ местаас, мый бӧръяс Господь, тіян Енныд. Асывнас бӧр мунӧй гортаныд.

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 16:15

Сизим лун чӧж пасйӧй Господьлы, асланыд Енлы, сиӧм гаж сійӧ местаас, мый Господь бӧръяс [медым сэні ті шыасинныд Сы дінӧ]. Господь, тіян Енныд, бурсиас тіянлысь быдтаснытӧ да уджнытӧ, та вӧсна сьӧлӧмсяньныд нимкодясьӧй.

Индӧд 18:6

Израильса кутшӧмкӧ карын олысь левит кӧ кӧсъяс, вермас овмӧдчыны Господьлӧн бӧрйӧм местаӧ.

Ӧксыяслӧн 3 небӧг 12:27

Кутас кӧ войтырыс вись вайӧм могысь ветлыны Ерусалимӧ Господьлӧн крамӧ, вермас сувтны аслас Ровоам ыджыдыс дор. Сэки найӧ виасны менӧ да бӧр бергӧдчасны иудаса Ровоам ӧксылӧн кипод улӧ».

Ӧксыяслӧн 4 небӧг 18:22

Гашкӧ, ті шуанныд, мый Господь Енныд вылӧ лачанытӧ кутанныд? Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын, мый сулалӧ Ерусалимын?”»

Неемий 1:9

Но ті кӧ бӧр бергӧдчанныд Ме дінӧ, видзанныд кӧ Менсьым тшӧктӧмъясӧс да оланныд на серти, Ме чукӧрта тіянӧс, весиг вӧтлӧма кӧ лоӧ тіянӧс му помӧдзыс. Ме бӧр вайӧда тіянӧс Аслам нимӧйлы бӧрйӧм оланінӧ”.

Еремей 7:12

Мунӧй Силомӧ сійӧ местаас, мый Ме водзынджык бӧрйи Аслам нимлы оланінӧн. Видзӧдлӧй, мый Ме вӧчи Силомкӧд Менам Израиль войтырлӧн лёк вӧчӧмыс вӧсна.