Индӧд 12:32 - Коми Библия 2023

³² Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Индӧд 12:32 Referans Kwoze

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Шусьӧгъяс 30:6

Содтан кӧ мыйкӧ Сылӧн кывъясыс дінӧ, ылӧдчысь лоан – и Сійӧ янӧдас тэнӧ.

Индӧд 13:18

Тадзи лоӧ, ті кӧ кутанныд кывзысьны Господьлысь, асланыд Енлысь, овны став Сылӧн тшӧктӧмыс серти, мый талун висьтала тіянлы, и вӧчны Господь Енныд водзын [бурсӧ да] шогманасӧ».

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Езекиль 44:5

Господь шуис меным: «Морт пиӧй, бура видзӧд, сюся кывзы да босьт тӧд вылад ставсӧ, мый Ме висьтала тэныд Аслам крам да пыран-петанінъяс йылысь. Босьт тӧд вылад на йылысь индӧд-тшӧктӧмсӧ.

Индӧд 19:9

кутанныд кӧ овны став тшӧктӧмыс серти, мый талун висьтала тіянлы, кутанныд кӧ радейтны Господьӧс, ассьыныд Ентӧ, да ветлыны Сылӧн туйясӧд став олӧм чӧжныд. Кор Господь ыдждӧдас-паськӧдас мунытӧ, тайӧ куим карсьыс ӧтдор нӧшта верманныд торйӧдны куим кар.

Ӧксыяслӧн 4 небӧг 17:37

Олӧй Сылӧн индӧд-тшӧктӧмъяс серти, мый Сійӧ гижис тіянлы. Кутчысьӧй Сылӧн тшӧктӧмъясӧ став олӧм чӧжныд да энӧ юрбитӧй мукӧд енъяслы.