Индӧд 12:3 - Коми Библия 2023

³ Налысь висьпуктанінъяссӧ бырӧдӧй, юрбитан изъяссӧ пасьвартӧй, юрбитан пуяссӧ сотӧй да бӧлбанъяссӧ жуглӧй, медым дзикӧдз вушъяс налӧн енъяслӧн нимыс.

Индӧд 12:3 Referans Kwoze

Ёрдысьяс 2:2

Сӧмын энӧ ӧтувтчӧй сійӧ муас олысьяскӧд, [энӧ юрбитӧй налӧн енъяслы, налысь бӧлбанъяссӧ бырӧдӧй,] налысь висьпуктанінъяссӧ жуглӧй”. Но ті энӧ кывзысьӧй Менсьым. Мыйла ті тадзисӧ вӧчинныд?

Лыд 33:52

вӧтлӧй сэтысь став олысьсӧ. Жуглӧй налысь серпасалӧм изъяссӧ, сывдӧмӧн вӧчӧм бӧлбанъяссӧ да вись ваян мылькъяссӧ.

Закар 13:2

«Сійӧ лунӧ, – висьталӧ Господь Саваоф, – Ме бырӧда тайӧ мусьыс идолъясӧс, весиг налысь нимъяссӧ вунӧдасны. Нӧшта Ме бырӧда тайӧ мусьыс ылӧгпророкъясӧс да пеж лолӧс.

Псалтыр 16:4

Ме ола Тэнад кывъясыд серти, некодӧс ог дзескӧд, кыдзи мукӧдыс вӧчӧны.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

Петӧм 23:13

Кутчысьӧй став Менам тшӧктӧмӧ. Мукӧд енъяслысь нимъяссӧ энӧ казьтывлӧй, налӧн нимыс мед оз пет тіян вомысь».

Восьтӧм 13:1

Сэсся ме сувті саридз дорӧ да аддзи саридзысь петӧм зверӧс. Сійӧ вӧлі сизим юра да дас сюра. Быд сюрын вӧлі ӧти юркытш, а юръясас вӧлі гижалӧма Енмӧс лёкӧдана нимъяс.

Микей 5:14

Ме вужнас нетшышта юрбитан пуяснытӧ, бырӧда каръяснытӧ.

Осий 2:17

Ме бырӧда сылӧн сёрниысь идолъяслысь нимъяссӧ, сійӧ пыр кежлӧ вунӧдас найӧс.

Еремей 17:2

Пияннысӧ моз найӧ казьтывлӧны висьпуктанінъяс да юрбитан пуяс йылысь, кодъяс сулалӧны пашкыр пуяс улын, джуджыд керӧсъяс вылын

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

2 Каднебӧг 31:1

Гажӧдчӧм бӧрын став Израиль войтырыс разӧдчис иудаса каръясӧ. Найӧ жуглісны юрбитан изъяс, пӧрӧдісны юрбитан пуяс, пазӧдісны вись ваян мылькъяс да висьпуктанінъяс став Иуда му пасьталаысь, тшӧтш Венямин, Ефрем да Манассей чужанкотыръяслӧн муысь. Та бӧрти Израиль войтырысь быдӧн бӧр муніс аслас муӧ да карӧ.

2 Каднебӧг 19:3

Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 3 небӧг 15:13

Аслас Маака пӧчыслы Аса эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ да сотіс сійӧс Кедрон ковтысын.

2 Каднебӧг 14:3

Сійӧ бырӧдіс ылӧг енъяслы вӧчӧм висьпуктанінъяс да вись ваян мылькъяс, жугліс юрбитан изъяс да пӧрӧдіс юрбитан пуяс.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Индӧд 12:4

Господьлы, асланыд Енлы, кесъялігӧн на моз энӧ вӧчӧй.

Ӧксыяслӧн 3 небӧг 14:15

Господь ёна дойдас Израильӧс, сійӧ лоӧ ваын легзьысь эжӧр кодь. Господь нетшыштас Израиль войтырӧс тайӧ бур му вывсьыс, мый сетіс налӧн батьяслы. Юрбитан пуяс сувтӧдӧмысь да тайӧн Господьӧс скӧрмӧдӧмысь Сійӧ разӧдас Израиль войтырӧс Ефрат ю сайӧ.

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

2 Каднебӧг 14:2

Аса вӧчис аслас Господь Ен водзын бурсӧ да шогманасӧ.