Индӧд 12:23 - Коми Библия 2023

²³ Эн сёй вирсӧ, ӧд вирын – олӧмыс. Та вӧсна яйсӧ вирнас эн сёй.

Индӧд 12:23 Referans Kwoze

Левит 17:11

ӧд быд ловъя олысьлӧн олӧмыс сылӧн вирас. Мыжнытӧ вештӧм могысь Ме тшӧкті тіянлы вир вайны висьпуктанін вылӧ, ӧд вирын олӧм, и сійӧ вештӧ мыжнытӧ.

Олӧм 9:4

Сӧмын энӧ сёйӧй яй, кӧні эм вир, ӧд вирын – олӧмыс.

Индӧд 12:16

Вирсӧ сӧмын энӧ сёйӧй, ва моз койыштӧй сійӧс му вылӧ.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Левит 7:26

Кӧть кӧні ті кутанныд овны, лэбачлысь ни пемӧслысь вирсӧ энӧ сёйӧй.

Левит 17:10

«Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 19:26

Энӧ сёйӧй яйсӧ вирнас. Энӧ тунасьӧй, энӧ кимӧститчӧй.

Индӧд 12:22

Сёй тайӧ яйсӧ газель да кӧр яй моз. Яйсӧ вермас сёйны [тэ ордын] и сӧстӧм, и пежасьӧм морт.

Индӧд 12:24

Вирсӧ эн сёй, но ва моз койышт сійӧс му вылӧ.

Индӧд 15:23

Вирсӧ сӧмын энӧ сёйӧй, ва моз койыштӧй сійӧс му вылӧ».

Ӧксыяслӧн 1 небӧг 14:32

Сэки найӧ уськӧдчисны босьтавны филистимсаяслысь ыжъяссӧ, ӧшъяссӧ да куканьяссӧ. Сэсся му вылас начкисны найӧс да сёйисны яйсӧ вир сорнас.

Ӧксыяслӧн 1 небӧг 14:33

Сауллы висьталісны, тэнад йӧзыд пӧ мыж вӧчӧны Господьлы паныд – сёйӧны вир сора яй. Саул шуис йӧзыслы: «Ті мыжминныд. Путкыльтӧй меным татчӧ ыджыд из».

Езекиль 33:25

Та вӧсна шу налы, мый Господь Ыджыдыс тадзи висьталӧ: ті сёянныд яйсӧ вирнас, юрбитанныд идолъясныдлы да вир кисьтанныд. Тіян-ӧ тайӧ муыс?