Индӧд 11:21 - Коми Библия 2023

²¹ медым ті да ныв-пиныд дыр олінныд сійӧ муас, мый Господь кыв сетӧмӧн кӧсйысис сетны тіян батьяслы пыр кежлӧ, кытчӧдз му весьтын лоӧ енэж.

Индӧд 11:21 Referans Kwoze

Шусьӧгъяс 4:10

Кывзы, пиӧй, сибӧд менсьым кывъясӧс, и тэнад нэмыд нюжалас.

Шусьӧгъяс 3:2

ӧд найӧ содтасны тэнсьыд олан лунъястӧ, ваясны тэныд лӧнь олӧм.

Шусьӧгъяс 9:11

Ме, мывкыдлуныс, олан лунъястӧ тэнсьыд содта, олан воястӧ тэнсьыд нюжӧда.

Псалтыр 72:5

Найӧ оз уджавны пӧсь петтӧдз, мукӧд йӧзсӧ моз оз топӧд найӧс сьӧкыд олӧм.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Восьтӧм 20:6

Шудаӧсь да вежаӧсь найӧ, кодъяс ловзясны медводдза ловзьӧдігӧн. Мӧд кулӧмыслӧн выныс на вылын оз нин ло. Енлӧн да Кристослӧн попъясӧн найӧ кутасны ыджыдавны Кристоскӧд сюрс во чӧж.

Исай 65:20

Сэні оз кув пузчужӧм кага, пӧрысь морт кутас тырвыйӧ овны ассьыс олан лунъяссӧ. Коді кулас сё арӧсаӧн, сійӧс лыддясны том кулысьӧн, а коді оз ов сё арӧсӧдз, сійӧс шуасны ёрӧмаӧн.

Шусьӧгъяс 3:16

Веськыд киас сылӧн – кузь нэм, шуйгаас – озырлун да пыдди пуктӧм. [Сылӧн вомысь петӧ збыльыс, сійӧ висьталӧ Индӧд да буралӧм йылысь.]

Индӧд 5:16

Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

Индӧд 6:2

Полӧй Господьысь, асланыд Енмысь, ті, тіян ныв-пиныд да налӧн ныв-пиыс. Став олӧм чӧжныд олӧй Сылӧн индӧд-тшӧктӧмъяс серти, мый ме [талун] висьтала тіянлы. Сэки тіян олӧмныд лоӧ кузь нэма.

Индӧд 11:9

кӧні визувтӧ йӧв да ма. Ті кутанныд дыр овны сійӧ муас, мый Господь кыв сетӧмӧн кӧсйысис сетны тіян батьяслы да насянь чужысьяслы.