Индӧд 1:7 - Коми Библия 2023

⁷ Мунӧй Ханаан муӧ – аморейяслӧн керӧсвыв муӧ да накӧд орччӧн олысь войтыръяс дінӧ, кодъяс олӧны Йӧрдан ковтысын, керӧсвыв муын, рытыввылын керӧсбердса муын, Негев муын да саридздор муын. Овмӧдчӧй налӧн муӧ да Ливанӧ, паськӧдчӧй весиг ыджыд Ефрат ю дорӧдз.

Индӧд 1:7 Referans Kwoze

Индӧд 11:24

Муыс, кытчӧ ті сувтанныд кокнад, лоӧ тіян. Овтӧминсянь Ливанӧдз, Ефрат юсянь рытыввыв саридзӧдз муыс лоӧ тіян.

Нав Исус 10:40

Исус босьтіс керӧсвыв му, Негев му, нӧшта рытыввыв да асыввыв керӧсбердса муяс, виис сэтчӧс ӧксыясӧс да олысьясӧс. Исус дзикӧдз бырӧдіс став ловъя олысьсӧ, кыдзи тшӧктіс Господь, Израильлӧн Ен.

Амос 2:9

Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.

1 Каднебӧг 18:3

Давид пасьвартіс и цова-хаматса Ададезер ӧксыӧс, коді буретш вӧлі мунӧ, медым босьтны Ефрат ю дорысь муяссӧ.

1 Каднебӧг 5:9

Асыввылын Рувимсянь чужысьяслӧн оланіныс нюжаліс овтӧминӧдз, коді помасис Ефрат ю дорын, ӧд Галаадын налӧн ыж-мӧсныс ёна рӧдмис-содіс.

Ӧксыяслӧн 2 небӧг 8:3

Давид пасьвартіс и цоваса ӧксыӧс, Реховлысь Ададезер писӧ. Сійӧ буретш вӧлі мунӧ, медым бӧр босьтны Ефрат ю дорысь муяссӧ.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Нав Исус 1:4

Овтӧминсянь Ливанӧдз да ыджыд Ефрат юсянь рытыввыв Ыджыд саридзӧдз хеттейяслӧн став муыс лоӧ тіян.

Индӧд 11:11

Сійӧ муыс, кытчӧ ті овмӧдчанныд, керӧсъяса да ковтысъяса, и енэжсяньыс сійӧс киськалӧ зэр.

Петӧм 23:31

Ме сета тіянлы му Гӧрд саридзсянь Филистим саридзӧдз да овтӧминсянь [ыджыд Ефрат] юӧдз. Тайӧ муысь олысьяссӧ Ме сета тіян киӧ, и ті вӧтланныд найӧс.

Восьтӧм 9:14

Гӧлӧс шыыс шуис квайтӧд анделлы, кодлӧн вӧлі трубаыс: «Мезды нёльнан анделсӧ, кодъясӧс кӧрталӧма ыджыд Ефрат ю дорӧ».

Олӧм 12:9

Та бӧрын Ӧврам чеччис да мӧдӧдчис Негев муӧ.

Индӧд 1:19

Хорив керӧссянь ми мӧдӧдчим водзӧ, мунім паськыд да повзьӧдана овтӧминӧд. Сійӧс ті аддзылінныд, кор ми мунім аморейяслӧн керӧсвыв мулань асланым Господь Енлӧн тшӧктӧм серти. Сэсся ми воим Кадеш-Варниӧ.

Лыд 10:12

и Израиль пиян мӧдӧдчисны котыръясӧн Синай овтӧминысь. Кымӧрыс сувтіс Паран овтӧминӧ.

Нав Исус 9:1

Тайӧ лоӧмторъяс йывсьыс тӧдмалісны [аморейяслӧн] став ӧксыыс, кодъяс олісны Йӧрдан ю рытыввыв муын: керӧсвыв муын, керӧсбердса муын, Ыджыд саридз пӧлӧн да Ливан дорын. Тайӧ вӧліны хеттейяс, аморейяс, [гергесейяс,] ханаансаяс, перезейяс, хивейяс да евуссаяс.

1 Каднебӧг 27:29

Шаронын йирсьысь ӧш-мӧс вӧсна кывкутіс шаронса Шитрай, а ковтысын йирсьысь ӧш-мӧс вӧсна кывкутіс Адлайлӧн Шафат пиыс.