Индӧд 1:19 - Коми Библия 2023

¹⁹ Хорив керӧссянь ми мӧдӧдчим водзӧ, мунім паськыд да повзьӧдана овтӧминӧд. Сійӧс ті аддзылінныд, кор ми мунім аморейяслӧн керӧсвыв мулань асланым Господь Енлӧн тшӧктӧм серти. Сэсся ми воим Кадеш-Варниӧ.

Индӧд 1:19 Referans Kwoze

Индӧд 1:2

Дас ӧти лун колӧ вӧлі мунны Сеир керӧсвыв муӧд Хорив керӧссянь Кадеш-Варниӧдз.

Еремей 2:6

Найӧ эз корсьны Господьӧс, коді петкӧдіс миянӧс Египетысь, нуӧдіс миянӧс овтӧминӧд, куш да гурана муӧд, кос да сап пемыд муӧд, муӧд, кыті некод эз ветлы, кӧні морт эз овлы.

Индӧд 8:15

Нуӧдіс тіянӧс ыджыд да повзьӧдана овтӧминӧд, яда змейяс да скорпионъяс пӧвстӧд, косінті да ватӧминті, петкӧдіс тіянлы изкыртаысь ва.

Индӧд 32:10

Сійӧ аддзис тайӧ войтырсӧ овтӧминысь, куш да шуштӧм пельӧсысь, тӧждысис на вӧсна, дорйис найӧс, синмӧс моз видзис.

Лыд 13:26

Нелямын лун чӧж мусӧ видзӧдалӧм бӧрын найӧ бӧр локтісны

Лыд 10:12

и Израиль пиян мӧдӧдчисны котыръясӧн Синай овтӧминысь. Кымӧрыс сувтіс Паран овтӧминӧ.

Лыд 32:8

Тадзи вӧчлісны тшӧтш тіян батьясныд, кор ме мӧдӧді найӧс Кадеш-Варнисянь видзӧдлыны кӧсйысьӧм мусӧ.

Индӧд 1:7

Мунӧй Ханаан муӧ – аморейяслӧн керӧсвыв муӧ да накӧд орччӧн олысь войтыръяс дінӧ, кодъяс олӧны Йӧрдан ковтысын, керӧсвыв муын, рытыввылын керӧсбердса муын, Негев муын да саридздор муын. Овмӧдчӧй налӧн муӧ да Ливанӧ, паськӧдчӧй весиг ыджыд Ефрат ю дорӧдз.

Индӧд 1:20

Сэні ме тіянлы шуи: ”Ми воим аморейяслӧн керӧсвыв муӧ, мый Господь, миян Енным, сетас миянлы.

Индӧд 2:7

Господь, тіян Енныд, бурсиис тіянлысь уджнытӧ, видзис тіянӧс тайӧ паськыд [да повзьӧдана] овтӧминтіыс ветліганыд. Нелямын во чӧж Господь, тіян Енныд, вӧлі тіянкӧд, и тіян ставыс вӧлі тырмана”.

Лыд 13:13

Дан чужанкотырысь Гемаллилӧн Аммиэл пиыс,

Лыд 14:14

Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.

Нав Исус 10:41

Исус босьтіс Кадеш-Варнисянь Газаӧдз став мусӧ да Гаваонӧдз Гошен му.