Индӧд 1:11 - Коми Библия 2023

¹¹ Господь, тіян батьяслӧн Ен, мед сюрс пӧвстӧн содтас тіянлысь лыднытӧ да бурсиас тіянӧс, кыдзи Сійӧ кӧсйысис тіянлы.

Индӧд 1:11 Referans Kwoze

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,

Лыд 6:27

Тадзи Менам нимсянь Аарон да сылӧн пияныс мед бурсиасны Израиль войтырӧс, и Ме [Господь] бурсиа найӧс».

Ӧксыяслӧн 2 небӧг 24:3

Йоав шуис ӧксылы: «Господь, тэнад Енмыд, мед содтас тэнад войтырлысь лыдсӧ сы мында, мыйта ӧні эм, и нӧшта на сё пӧвстӧн мед содтас та дорӧ. Менам ӧксыӧй-ыджыдӧй мед аслас синмӧн аддзас тайӧс. Ӧксыӧй-ыджыдӧй, мыйла тэ кӧсъян артавны-гижавны найӧс?»

Олӧм 49:25

Сійӧ – батьыдлӧн Ен, коді отсалас тэныд, Сійӧ – Ставсӧвермысь, коді бурсиас тэнӧ. Бурсиас енэжвывса бурсиӧмӧн, мупыдӧсса бурсиӧмӧн, морӧс йӧв да мам кынӧм бурсиӧмӧн,

Лыд 22:12

Ен вочавидзис Валаамлы: «Эн мун накӧд. Эн ёр Египетысь локтӧм войтырӧс, ӧд сійӧ бурсиӧм войтыр».

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

1 Каднебӧг 21:3

Йоав шуис Давидлы: «Господь мед сё пӧвстӧн содтас Аслас войтырлысь лыдсӧ. Ӧксыӧй-ыджыдӧй, найӧ ӧд ставныс тэнад кесйӧгъяс. Ыджыдӧй, мыйла тэ кӧсъян лыддьыны найӧс? Тайӧ мыжыс ӧд лоӧ Израиль вылын».

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Индӧд 1:12

Но ме ӧтнам ог вермы нуны тіянлысь сьӧкыдлунъястӧ, тӧжд-могъястӧ да зык-вензьӧмъястӧ.

Индӧд 10:22

Египетӧ локтігӧн тіян батьяслӧн лыдыс вӧлі сизимдас [вит] морт, а ӧні Господь, тіян Енныд, содтіс тіянӧс, и ті лоинныд енэжвыв кодзувъяс мында».

Индӧд 28:62

Ті вӧлінныд енэжвыв кодзувъяс мында, но этшаӧн колянныд, ӧд ті энӧ кывзысьӧй Господьлысь, асланыд Енлысь.

Езекиль 16:7

Ме быдті тэнӧ видзвыв турунӧс моз. Тэ быдмин, верстяммин да лоин мичасьыс-мича. Тэнад гӧрддзассис морӧсыд, быдмис юрсиыд, но тэ вӧлін пасьтӧм.