Галатӧ 6:8 - Коми Библия 2023

⁸ Кӧдзас кӧ вир-яяс, вундас сысянь кулӧм. Лолас кӧ кӧдзас, вундас Ловсянь помтӧм олӧм.

Галатӧ 6:8 Referans Kwoze

Римӧ 8:13

Оланныд кӧ вир-яй серти, куланныд, а Ен Лолӧн кӧ вианныд тшыкӧм уджъяснытӧ, понданныд овны.

Яков 3:18

Лӧньлунсӧ вайысьяс кӧдзӧны лӧньлунлысь кӧйдыс, а тайӧ кӧйдысыс вайӧ веськыда олӧмыслысь вотӧс.

2 Петыр 2:19

Ылӧгвелӧдысьяс кӧсйысьӧны сетны налы мездлун, кӧть асьныс найӧ пежыслӧн кесйӧгъяс. Ӧд коді мортсӧ вермӧма, сылӧн сійӧ и кесйӧг.

Иов 4:8

Ме аддзылі, мый лёксӧ гӧрысьяс да шогсӧ кӧдзысьяс асьныс вундӧны лёксӧ да шогсӧ.

Осий 10:13

Ті кӧдзинныд пежсӧ, вундінныд лёксӧ, ті сёйинныд ылӧгыслысь вотӧссӧ, ӧд ті лача кутінныд асланыд туй вылӧ, уна лыда тышкайӧзныд вылӧ.

Галатӧ 6:7

Асьнытӧ энӧ ылӧдлӧй – Енмыс серамтуйын оз ло. Мортыд мый кӧдзас, сійӧс и вундас.

Римӧ 13:14

Тіян паськӧмӧн мед лоӧ Господь Исус Кристос. Вир-яйныд вӧсна тӧждысьӧмсӧ энӧ бергӧдӧй сылысь лёк кӧсйӧмсӧ могмӧдӧмӧ.

Шусьӧгъяс 22:8

Ылӧгсӧ кӧдзысь вундас шог, пом воас сылӧн чорыд дзескӧдӧмлы. [Сьӧлӧмсяньыс сетысьӧс Енмыс радейтӧ, содтас сылы, мый оз судзсьы.]

Восьтӧм 22:11

Лёксӧ вӧчысь мед водзӧ вӧчас лёксӧ, пеж оласнога мед водзӧ на вӧчас пежсӧ, а веськыда олысь мед водзӧ вӧчас веськыда, вежа морт мед водзӧ на вежаммас.

Иоан 4:36

Вундысь босьтӧ удждонсӧ ӧні нин, сійӧ чукӧртӧ няньсӧ помтӧм олӧмӧ. Та вӧсна кӧдзысь да вундысь ӧтвыв нимкодясьӧны.

Иуда 1:21

Видзӧй асьнытӧ Ен муслунас. Виччысьӧй сійӧ кадсӧ, кор миян Господь Исус Кристос Аслас буралӧмнас вайӧдас миянӧс помтӧм олӧмӧ.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Римӧ 6:13

Вир-яйныдлысь весиг ӧти юкӧн энӧ сетӧй мыжыслы лёксӧ вӧчӧм вылӧ. Ӧні ті – кулӧмысь ловзьӧмаяс. Сідзкӧ, сетӧй асьнытӧ да вир-яйныдлысь быд юкӧн Енмыслы, мед вӧчны веськыд уджъяс.

Еремей 12:13

Менам войтырӧй кӧдзис шобді, а вундіс йӧн. Найӧ ёна мырсисны, но ставыс весьшӧрӧ. Мед тіянлы яндзим лоӧ нянь чукӧртіганыд, ӧд Господьлӧн яр скӧрлуныс вӧсна суис тіянӧс тайӧ.

Еклесиаст 11:6

Асывнас кӧдз, и рытнас киыдлы эн сет шойччӧгсӧ. Тэ ӧд он тӧд, кодар уджыс лоӧ бурджык, а гашкӧ, кыкнанныс бур.

Матвей 19:29

Коді Менам ним вӧсна коляс керкасӧ, чой-воксӧ, бать-мамсӧ, гӧтырсӧ, ныв-писӧ да видз-мусӧ, сылы сё пӧвстӧн бӧр воас, нӧшта помтӧм олӧм сылы вичмас.

Осий 8:7

Найӧ кӧдзӧны тӧвныр, вундӧны бушков. Няньыс налӧн оз шептась, пызьыс налӧн оз ло. А шептасяс кӧ, няньсӧ мукӧдъяс сёясны.

Титлы 3:7

медым Сылӧн буралӧмсянь ми лоим веськыдӧсь да миянлы вичмис помтӧм олӧм. Тайӧ и эм миян лачаным.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Лука 18:30

сылы тайӧ олӧмас на уна пӧвстӧн бӧр воас, нӧшта локтан нэмас сылы помтӧм олӧм вичмас».

Исай 32:20

но ті шудаӧсь, ті понданныд кӧдзны быдлаын, кӧні эм ва, тіян ӧшъясныд да осёлъясныд пондасны йирсьыны сэні.

2 Петыр 2:12

Тайӧ йӧзыс лёкӧдӧны сійӧ, мый асьныс оз гӧгӧрвоны. Найӧ вӧрын шӧйтысь кыйӧм-виӧм вылӧ чужӧм пемӧсъяс кодьӧсь. Вежӧртӧм пемӧсъясӧс моз найӧс и лоӧ бырӧдӧма.

1 Тимофейлы 1:16

Енмыс вӧлі бур сьӧлӧма ме дінӧ, медым ме пыр, медся мыжаыслӧн олӧм пыр, Исус Кристос петкӧдліс Ассьыс терпитӧмсӧ налы, кодъяс эскасны Сылы да босьтасны помтӧм олӧмсӧ.

Шусьӧгъяс 11:18

Лёк вӧчысьлӧн удждоныс – ылӧг, а коді веськыдлун кӧдзӧ, вундас збыльсӧ.

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

Римӧ 8:6

Вир-яйсянь мӧвпалӧмыд вайӧ кулӧм, а Ловсянь мӧвпалӧмыд сетӧ олӧм да лӧньлун.

Римӧ 8:11

Тіян пытшкын кӧ олӧ Енлӧн Лолыс, коді ловзьӧдіс Исусӧс кулӧмысь, сідзкӧ, Кристосӧс Ловзьӧдысь ловзьӧдас тшӧтш тіянлысь кулана вир-яйнытӧ сійӧ Ловнас, коді олӧ тіян пытшкын.

1 Коринфӧ 15:42

Тадзи артмӧ тшӧтш кулӧмаяслӧн ловзигӧн: гуавсьӧ сісьмана вир-яй, ловзьӧ сісьмытӧм.