Галатӧ 6:12 - Коми Библия 2023

¹² Найӧ, кодъяс кӧсйӧны шогмыны йӧзлы, тшӧктӧны тіянӧс вундыштчыны сӧмын сы могысь, медым найӧс эз вӧтлыны Кристос крест вӧсна.

Галатӧ 6:12 Referans Kwoze

Галатӧ 5:11

Вокъяс, ме кӧ ӧні важ мозыс на сулалі вундыштчӧм дор, менӧ нинӧмысь вӧлі вӧтлынысӧ. Сэки эськӧ крестыс некодлы эз ло мытшӧдӧн.

Колосӧ 2:23

Ылӧг вежавидзӧмнас, рамлуннас, вир-яйсӧ тшыгйӧдӧмнас найӧ петкӧдлӧны асьнысӧ мывкыдаӧн. Но тайӧ оз отсав вермыны вир-яйлысь колӧм-кӧсйӧмсӧ.

2 Коринфӧ 11:13

Тайӧ ылӧгапостолъясыс сӧмын пӧръясьӧны, шуӧны асьнысӧ Кристослӧн апостолъясӧн.

Ап. уджъяс 15:1

Иудеяысь локтысьясысь кодсюрӧ велӧдісны вокъясӧс, онӧ кӧ пӧ вундыштчӧй Мӧисей Индӧд серти, онӧ мездмӧй.

Галатӧ 2:3

Весиг мекӧд локтысь Титӧс, кӧть сійӧ грек войтырысь, найӧ эз тшӧктыны вундыштчыны.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Филипӧ 3:18

Ӧд Кристослӧн крестлы унаӧн паныд сувтӧны. Та йылысь висьтавлі нин тіянлы, ӧні нӧшта на синва сорӧн казьтышта.

Филипӧ 2:4

да тӧждысьӧ оз сӧмын ас вӧснаыс, тшӧтш мукӧдыс вӧсна.

Филипӧ 1:15

Кодсюрӧ висьтавлӧны Кристос йылысь вежалӧмныс понда, мед вензьыны миянкӧд, а мукӧдыс висьтавлӧны сьӧлӧмсяньныс.

Галатӧ 6:13

Ӧд вундыштчӧмаяс асьныс оз овны Индӧд сертиыс. Тіян вундыштчӧмныд налы сӧмын помка ошйысьны.

Галатӧ 2:14

Ме аддзи, мый найӧ оз овны Евангелльӧлӧн збыльыс серти. Сэки ставныс дырйи шуи Петырлы: «Тэ, иудей, ачыд кӧ олан мукӧд войтыр моз, а он иудей ног, мыйла мукӧд войтыръясысь эскысьясӧс тшӧктан кутчысьны иудей оласногӧ?»

2 Коринфӧ 10:12

Ми огӧ лысьтӧй орччӧдны асьнымӧс либӧ ӧткодявны асьнымӧс вывтіасьысьяскӧд. Найӧ видзӧдӧны сӧмын ас выланыс да донъялӧны асьнысӧ ас сертиныс. Тадзи вӧчигӧн найӧ петкӧдлӧны ассьыныс мывкыдтӧмлунсӧ.

Ап. уджъяс 15:5

Сэки кодсюрӧ эскысьяс, кодъяс кутчысисны фарисейяслӧн велӧдӧмӧ, шуисны, мый ентӧдтӧмъяслы колӧ вундыштчыны да овны Мӧисей Индӧд серти.

Иоан 7:18

Коді ассяньыс висьталӧ, сійӧ аслыс ошкӧмсӧ корсьӧ. Коді тӧждысьӧ, медым ошкӧмыс вичмис Сійӧс Мӧдӧдысьлы, Сійӧ збыльсӧ висьталӧ да оз ылӧдчы.

Лука 20:47

Найӧ куштӧны дӧваяслысь керкасӧ да асьнысӧ петкӧдлӧм могысь дыр кевмысьӧны. Но найӧс лоӧ чорыда мыждӧма».

Матвей 23:28

Ортсысяньныд, видзӧдны кӧ, веськыда олысьяс кодьӧсь, а пытшкӧсныд пӧръясьӧмӧн да лёк вӧчӧмӧн тырӧма.

Матвей 23:5

Найӧ ставсӧ вӧчӧны йӧзлы петкӧдлӧм могысь: ӧшлӧны ас выланыс ыджыд кудъяс, кузьмӧдӧны паськӧм дорыш тугъяссӧ.

Матвей 6:16

«Видзаліганыд энӧ лоӧй жугыльӧсь кык бана шаньгаяс моз. Найӧ ветлӧны шог чужӧмӧн видзалӧмсӧ петкӧдлӧм могысь. Веськыда висьтала тіянлы: найӧ босьтӧны нин ассьыныс удждонсӧ.

Матвей 6:2

Корысьлы кӧ сетан, эн йӧзӧд тайӧс. Тадзи вӧчӧны кык бана шаньгаяс синагогаясын да йӧзаинъясын, ӧд найӧ йӧзсянь ошкӧм виччысьӧны. Веськыда висьтала тіянлы: найӧ босьтӧны нин ассьыныс удждонсӧ.

Матвей 6:5

«Энӧ кевмысьӧй кык бана шаньгаяс моз. Асьнысӧ йӧз водзын петкӧдлӧм могысь найӧ радейтӧны синагогаясын да туйвежъясын сулалӧмӧн кевмысьны. Веськыда висьтала тіянлы: найӧ босьтӧны нин ассьыныс удждонсӧ.

Матвей 5:10

Шудаӧсь веськыдлун вӧсна вӧтлӧмаяс, ӧд налӧн эм Енэжвыв Юралӧм.

Матвей 23:27

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті еджыдӧн мавтӧм гортъяс кодьӧсь. Ортсысяньыс сійӧ мича, а пытшкӧсас тырыс шой лы да быд пежыс.