Галатӧ 4:8 - Коми Библия 2023

⁸ Кор ті энӧ на тӧдӧй Енсӧ, вӧлінныд мукӧд енъяслӧн кипод улынӧсь. Збыльвылас, найӧ абу енъяс.

Галатӧ 4:8 Referans Kwoze

1 Коринфӧ 8:4

Ӧні висьталышта идоллы вайӧм сёян йылысь. Ми тӧдам, мый идолыс збыльвылас абу, эм сӧмын ӧти Ен.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

1 Фессалоникаӧ 4:5

медым ентӧдтӧмъяс моз некод оз сетчы ыпъялан лёкколӧмас, ӧд Енсӧ найӧ оз тӧдны.

1 Фессалоникаӧ 1:9

Миянлы быдлаын висьтавлӧны, кыдзи ті сибӧдінныд миянӧс да бергӧдчинныд идолъясысь. Ті кутінныд кесъявны збыль да ловъя Енлы

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.

1 Коринфӧ 1:21

Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.

Исай 37:19

а налысь енъяссӧ шыблалісны биӧ. Но тайӧ эз вӧвны енъяс, а пуысь да изйысь вӧчӧмторъяс. Та вӧсна и вермисны бырӧдны найӧс.

2 Каднебӧг 13:9

Господьлысь попъясӧс – Ааронсянь чужысьясӧс – да левитъясӧс ті вӧтлінныд. Мукӧд войтыръяс моз ті асьныд пуктінныд аслыныд попъясӧс. Быдӧн, коді локтӧ асьсӧ вежӧдӧм могысь да вайӧдӧ ӧшкӧс да сизим межӧс, сійӧ и лоӧ ылӧг енъяслӧн попӧн.

Ефесӧ 4:18

вежӧрныс пемдӧма, найӧ ылынӧсь Ен нога олӧмсьыс, ӧд налӧн чорзьӧма сьӧлӧмныс, да Енсӧ найӧ оз тӧдны.

1 Коринфӧ 12:2

Кор ті вӧлінныд ентӧдтӧмъясӧн на, тіянӧс ёна кыскис сёрниттӧм идолъяс дінӧ. Ті асьныд тӧданныд та йылысь.

Еремей 10:25

Кисьт Ассьыд скӧрлунтӧ войтыръяс вылӧ, кодъяс оз тӧдны Тэнӧ, кисьт Ассьыд скӧрлунтӧ чужанкотыръяс вылӧ, кодъяс оз шыасьны Тэ дінӧ. Найӧ косявлісны Яковлысь рӧдсӧ, пазӧдісны-бырӧдісны сійӧс, куштісны сылысь оланінсӧ.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Нав Исус 24:2

Став войтырыслы Исус шуис: «Господь, Израильлӧн Ен, тадзи висьталӧ: ”Важӧн тіян батьясныд олісны Ефрат ю сайын, сэні оліс тшӧтш Терах, Ӧвраамлӧн да Нахорлӧн батьыс. Найӧ кесъялісны мукӧд енъяслы,

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

Ап. уджъяс 17:23

Ветлӧдлігӧн ме видзӧдалі тіянлысь юрбитанінъястӧ да аддзи ”тӧдтӧм енлы” гижӧда висьпуктанін. Буретш тайӧ тӧдтӧм Ен йывсьыс, кодлы ті юрбитанныд, ме и висьтала.

Ап. уджъяс 14:12

Варнаваӧс шуисны Зевсӧн, а Павелӧс – Гермесӧн, ӧд ёнджыкасӧ сійӧ сёрнитіс.

Иоан 1:10

Сійӧ вӧлі муюгыдас, муюгыдсӧ Сы пыр вӧлі вӧчӧма, но муюгыдыс эз тӧд Сійӧс.

Еремей 2:11

Мукӧд войтыръяслӧн енъясыс – абу збыль Ен, но найӧ оз вежлавны енъяснысӧ. А Менам войтырӧй вежис Менӧ, найӧ вежисны ассьыныс дзирдлунсӧ идолъяс вылӧ, кодъяс отсавны оз вермыны.

Римӧ 1:23

Пыр олысь Енмӧс нимӧдӧм пыдди пондісны юрбитны быранаыслы: морт, лэбач, пемӧс да веглясьысь сяма вӧчӧмторъяслы.

Еремей 5:7

– Кыдзи Меным прӧститны Ерусалимын олысьясӧс? Найӧ эновтісны Менӧ, ылӧг енъяс водзын кыв сетӧны. Ме пӧткӧді найӧс, а найӧ пежалӧны гозъякост олӧм, чукӧръясӧн ветлӧдлӧны кырсалысь аньяслӧн керкаясӧ.

Еремей 16:20

Вермас-ӧ морт вӧчны аслыс енъясӧс? Ӧд татшӧм енъясыс – абу збыль Ен!

Галатӧ 4:3

Кодыр ми вӧлім кага кодьӧсь, вӧлім муюгыд вынъяслӧн кабыр улынӧсь.