Галатӧ 4:6 - Коми Библия 2023

⁶ Ӧні ті Енмыслӧн ныв-пи. Та вӧсна Ен сетіс сьӧлӧманыд Пиыслысь Ловсӧ. Тайӧ Лолыс шыасьӧ: «Авва, Батьӧй!»

Галатӧ 4:6 Referans Kwoze

Римӧ 5:5

А лачаыс миян абу весьшӧрӧ, ӧд Ен сетӧма миянлы Вежа Ловсӧ да Сы пыр кисьтӧма сьӧлӧманым Ассьыс муслунсӧ.

Римӧ 8:9

Тіян пытшкын кӧ збыльысь олӧ Енлӧн Лолыс, сідзкӧ, ті Лов веськӧдлӧм улынӧсь, абу вир-яйлӧн ыджыдалӧм улынӧсь. Код пытшкын абу Кристослӧн Лолыс, сійӧ абу Сылӧн.

Филипӧ 1:19

ӧд ме тӧда, мый тіян кевмысьӧмъясныд да Исус Кристослӧн Лолыс отсаласны меным мездмыны.

Ефесӧ 2:18

Та вӧсна ми быдӧн, иудейяс да мукӧд войтыр, Кристос пыр вермам локны Бать дінӧ, ӧд миянӧс ставнымӧс йитӧ ӧти Лов.

2 Коринфӧ 3:17

Господь эм Лов. Кӧні Господьлӧн Лолыс, сэні мездлун.

Ефесӧ 4:30

Энӧ шогӧдӧй Ен Вежа Лолӧс, кодӧн пасйӧма тіянӧс вештысян лун кежлӧ.

Иуда 1:20

Но ті, мусаяс, ёнмӧдӧй асьнытӧ вежа эскӧмнаныд, кевмысьӧй Вежа Лов нуӧдӧм улын.

Иоан 16:7

Ме висьтала тіянлы збыльсӧ: бурджык лоӧ, Ме кӧ муна. Ог кӧ мун, сэки Дорйысь оз лок тіян дінӧ, а муна кӧ, мӧдӧда Сійӧс тіян дінӧ.

Иоан 14:16

Ме кора Батьлысь, и Бать сетас тіянлы мӧд Дорйысьӧс. Сійӧ пыр лоас тіянкӧд.

Лука 11:13

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд сетас Вежа Ловсӧ Сылысь корысьяслы».

2 Коринфӧ 1:22

Сійӧ пасйис миянӧс да мӧдӧдіс миян пытшкӧ Ассьыс Ловсӧ, коді эскӧдӧ миянӧс, мый Енлӧн став кӧсйысьӧмыс збыльмас.

Иоан 15:26

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.

Лука 11:2

Исус шуис налы: «Кевмысиганыд шуӧй тадзи: – Енэжвывса миян Бать, мед лоӧ вежаӧн Тэнад нимыд. Мед воас Тэнад Юралӧмыд. Мед инас Тэнад кӧсйӧмыд му вылын енэжын моз.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Еремей 3:4

Ӧні тэ шыасян Ме дінӧ: ”Батьӧй, менам томдырсянь Тэ вӧлін менӧ туйдӧдысьӧн.

1 Петыр 1:11

Найӧ кӧсйисны тӧдмавны, кутшӧм кад вылӧ да мый вылӧ индіс на пытшкын олысь Кристослӧн Лолыс, кор Сійӧ водзвыв висьтавліс Кристослӧн сьӧкыдалӧмыс да Сійӧс виччысяна дзирдлуныс йылысь.

Ефесӧ 6:18

Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.

Еремей 3:19

– Ме, Господь, мӧвпышті, мый войтыръяс пӧвстысь Ме бӧръя тэнӧ, сета тэныд бур му, вичмӧда войтыръяслысь мича мусӧ. Ме чайті, тэ пондан шуны Менӧ Батьӧн да он бергӧдчы Меысь.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Ефесӧ 1:13

Кор ті кылінныд збыльсӧ, тіянӧс мездӧм йылысь Бур Юӧрсӧ, ті тшӧтш кутінныд эскыны Кристослы. Сэки Енмыс пасйис тіянӧс кӧсйысьӧм Вежа Лолӧн.

1 Коринфӧ 15:45

Гижӧдыс висьталӧ: «Медводдза мортыс, Адам, лоис ловъя олысьӧн», а мӧд Адамыс лоис олӧм сетысь Лолӧн.

Ап. уджъяс 16:7

Мисияӧ. Сэтысь найӧ кӧсйисны мунны Вифинияӧ, но Вежа Лов эз лэдз.

Иоан 7:39

Исус висьталіс тайӧс Лов йылысь, кодӧс сибӧдасны Сылы эскысьяс. Налы абу на вӧлі сетӧма Вежа Ловсӧ, ӧд Исуслӧн дзирдлуныс эз на воссьы.

Марк 14:36

Сійӧ шуаліс: «Авва, Батьӧй! Тэныд ставыс вермана. Вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.