Галатӧ 3:24 - Коми Библия 2023

²⁴ Тадзи Индӧдыс быдтіс-видзис миянӧс Кристос локтӧдз, медым эскӧм пыр ми лоим веськыдӧсь.

Галатӧ 3:24 Referans Kwoze

Римӧ 10:4

Кристос – Индӧдыслӧн пом. Сідзкӧ, быдӧн, коді эскӧ Сылы, лоӧ веськыдӧн.

Галатӧ 2:16

Ми тӧдам, мый мортсӧ веськыднас вӧчӧ Исус Кристослы эскӧм, а оз Индӧд серти уджъясыс. Ми эским Исус Кристослы, медым вӧлім веськыдӧсь Кристослы эскӧмӧн, а эгӧ Индӧд серти уджъясӧн. Ӧд Индӧд серти уджъяс некодӧс оз вӧчны Ен водзас веськыдӧн.

Колосӧ 2:17

ӧд ставыс тайӧ сӧмын локтанаыслӧн вуджӧр, а збыльыс Кристос пытшкын.

Галатӧ 2:19

Мед овны Енкӧд, Индӧдыс пыр ме кулі Индӧдыслы. Менӧ тувъялӧма Кристоскӧд.

Галатӧ 3:25

Кор воис эскан кадыс, ми мынім видзысьлӧн синъялӧмысь.

1 Коринфӧ 4:15

Дерт, тіян вермас лоны Кристос йылысь уна сюрс велӧдысь, но батьыс сӧмын ӧти, ӧд Бур Юӧрсӧ тіянлы ме висьтавлі. Тадзи чужті тіянӧс Исус Кристослы эскысьясӧн.

Римӧ 9:30

Сідзкӧ, мый артмӧ? Ентӧдтӧмъяс эз корсьлыны веськыдлунсӧ, но босьтісны сійӧс эскӧм пыр.