Галатӧ 3:2 - Коми Библия 2023

² Ӧтитор кӧсъя юавны: Индӧд серти уджъясӧн али кывлӧм Бур Юӧрӧ эскӧмӧн ті сибӧдінныд Вежа Ловсӧ?

Галатӧ 3:2 Referans Kwoze

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Ап. уджъяс 15:8

Сьӧлӧмтӧдысь Ен сетіс налы миянлы моз Вежа Ловсӧ, тайӧн петкӧдліс, мый Сійӧ сибӧдӧ найӧс.

Галатӧ 3:5

Енмыс ӧмӧй Индӧд серти уджъясныд вӧсна сетӧ Вежа Ловсӧ да вӧчӧ тіян пӧвстын шензьӧданаторъяссӧ? Оз ӧмӧй кывлӧм Бур Юӧрӧ эскӧмныд вӧсна?

Еврейяслы 2:4

Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.

Ап. уджъяс 8:15

Самарияӧ воӧм бӧрын найӧ кевмысисны, медым эскысьяс сибӧдасны Вежа Лолӧс.

Ап. уджъяс 2:38

Петыр шуис налы: «Бергӧдчӧй мыжъяссьыныд да пыртчӧй Исус Кристос нимӧн, медым Ен прӧститас мыжъяснытӧ. Сэки Ен сетас тіянлы Вежа Лолӧс.

Еврейяслы 6:4

Ен дінӧ он нин вермы бергӧдны найӧс, кодъяс тӧдлісны Бур Юӧрлысь югыдсӧ, босьтісны Енсянь сетӧмторсӧ, сибӧдісны сьӧлӧмас Вежа Лолӧс, тӧдмалісны Ен кывлысь бурсӧ да аддзылісны локтана нэмлысь вынсӧ, а сэсся бӧр кежисны Кристосысь. Найӧ ӧд выльысь тувъялӧны Ен Пиӧс да пуктӧны Сійӧс серамтуйӧ.

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

2 Коринфӧ 11:4

Ӧд тіян дінӧ кӧ локтас кодкӧ да кутас висьтавлыны мӧд Исус йылысь, код йылысь ми эгӧ висьтавлӧй, либӧ мӧд лов йылысь, кодӧс ті энӧ сибӧдлӧй, либӧ мӧдпӧлӧс бур юӧр, кодӧс энӧ босьтлӧй, сэки ті кокньыда терпитанныд сійӧс.

1 Коринфӧ 9:21

Индӧдтӧг олысьяскӧд куті ачымӧс тшӧтш на моз, медым вайӧдны найӧс Кристос дінӧ. Дерт, ме абу Индӧдтӧг олысь, ӧд ме ола Кристослӧн индӧд серти.

Галатӧ 3:3

Сы выйӧдз-ӧ ті вежӧртӧмӧсь? Лов вынӧн панінныд, ас вынӧн помаланныд?

Еврейяслы 4:2

Египетысь петысьяслы миянлы моз вӧлі висьталӧма Бур Юӧрсӧ, но тайӧ нинӧм эз сет налы, ӧд найӧ эз эскыны тайӧ Юӧрыслы да эз сибӧдны сійӧс сьӧлӧманыс.