Галатӧ 2:4 - Коми Библия 2023

⁴ Тайӧс ёна кӧсйисны ылӧгвокъяс. Найӧ сибӧдчисны миян дінӧ кыйӧдчысьяс моз, медым тӧдмавны, мыйсяма мездлун миян эм Исус Кристоссянь. Найӧ зілисны бӧр сюйны миянӧс Индӧд улӧ.

Галатӧ 2:4 Referans Kwoze

Иуда 1:4

Тіян пӧвстӧ наяна сюйсисны Ентӧг олысьяс. Татшӧм йӧзыслы важӧн нин дасьтӧма мыждӧмсӧ. Миян Енлысь буралӧмсӧ найӧ бергӧдӧны лэдзчысьӧм оласногӧ. Найӧ соссьӧны ӧти Ен Ыджыдысь да миян Господь Исус Кристосысь.

Галатӧ 5:1

Кристос мездіс миянӧс. Сідзкӧ, зумыда сулалӧй сетӧм мездлунас да бара энӧ пырӧй сийӧс улӧ.

Галатӧ 4:3

Кодыр ми вӧлім кага кодьӧсь, вӧлім муюгыд вынъяслӧн кабыр улынӧсь.

2 Коринфӧ 11:26

Ме пыр туйын. Менӧ унаысь сулісны виччысьтӧмторъяс каръясын, овтӧминын, юяс да саридз вылын. Меным унаысь ковмис видзчысьны лёк вӧчысьясысь, ас йӧзысь, мукӧд войтырысь да ылӧгвокъясысь.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

2 Петыр 2:19

Ылӧгвелӧдысьяс кӧсйысьӧны сетны налы мездлун, кӧть асьныс найӧ пежыслӧн кесйӧгъяс. Ӧд коді мортсӧ вермӧма, сылӧн сійӧ и кесйӧг.

2 Тимофейлы 3:6

Кодсюрӧ на пӧвстысь наяна пырӧны керкаясӧ да кыскӧны асланьныс коньӧр аньясӧс, кодъяс оз вермыны мынтӧдчыны асланыс мыжъясысь да кокньыда сетчӧны асланыс лёк кӧсйӧмъясӧ.

Галатӧ 5:10

Господь вылӧ лача кутӧмӧн эска, мый онӧ кутӧй мӧвпавны мӧд ног. Тіянӧс падмӧдысьясӧс Енмыс мыждас.

2 Коринфӧ 11:20

Ті терпитанныд, кор кесйӧдлӧны тіянӧс, мырддялӧны да куралӧны тіянлысь, ыджыдалӧны тіян вылын да кучкалӧны чужӧманыд.

2 Коринфӧ 11:13

Тайӧ ылӧгапостолъясыс сӧмын пӧръясьӧны, шуӧны асьнысӧ Кристослӧн апостолъясӧн.

2 Коринфӧ 3:17

Господь эм Лов. Кӧні Господьлӧн Лолыс, сэні мездлун.

Ап. уджъяс 20:30

Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс.

Ап. уджъяс 15:24

Ми кывлім, мый кодсюрӧ миян йӧз шӧйӧвоштӧны тіянӧс асланыс велӧдӧмӧн, шуӧны, колӧ пӧ вундыштчыны да кутчысьны Индӧдӧ. Тадзи велӧднысӧ ми эгӧ тшӧктылӧй налы.

Ап. уджъяс 15:1

Иудеяысь локтысьясысь кодсюрӧ велӧдісны вокъясӧс, онӧ кӧ пӧ вундыштчӧй Мӧисей Индӧд серти, онӧ мездмӧй.

Исай 51:23

Ме сета сійӧс нартитысьяслы, кодъяс тшӧктісны тэныд нюжӧдчыны му вылас, медым мунны тэ вывті, кодъяс вӧчисны тэнсьыд мышкутӧ кокув муӧн, ветлысь-мунысьяслы туйӧн.

1 Петыр 2:16

Тіянлы сетӧма мездлун, сӧмын мездлуннад энӧ вевттьӧй лёк вӧчӧмнытӧ, но олӧй Енлӧн кесйӧгъяс моз.

Галатӧ 4:25

Агарыс индӧ Аравияын Синай керӧс вылӧ да лӧсялӧ ӧнія Ерусалимлы. Сійӧ аслас челядькӧд кесйӧг туйын.

2 Коринфӧ 11:17

Дерт, тайӧ абу Господьсянь, но ме кута ошйысьны тіян водзын мывкыдтӧм морт моз.

Римӧ 8:15

Ті ӧд энӧ сибӧдӧй нартитысь лолӧс, медым бара овны полӧм улын, мӧдарӧ, ті сибӧдінныд тіянӧс ныв-пиӧ босьтысь Лолӧс. Тайӧ Лолӧн ми шыасям: «Авва, Батьӧй!»

Галатӧ 1:7

Збыльвылас кӧ, мӧд бур юӧрыс абу, эмӧсь сӧмын тіянӧс шӧйӧвоштысьяс. Найӧ кӧсйӧны дзугны Кристос йылысь Бур Юӧрсӧ.

Яков 1:25

Но коді видзӧдӧ мездлунсӧ сетысь тыр-бур Индӧд вылӧ да оз вунӧд кывлӧмасӧ, а олӧ Индӧдыс серти, сійӧс лоӧ бурсиӧма уджъясыс пыр.

Лука 5:38

Выль винатӧ кисьтӧны выль кучик дозйӧ. Сэки кыкнанныс дзонь колясны.