Галатӧ 1:7 - Коми Библия 2023

⁷ Збыльвылас кӧ, мӧд бур юӧрыс абу, эмӧсь сӧмын тіянӧс шӧйӧвоштысьяс. Найӧ кӧсйӧны дзугны Кристос йылысь Бур Юӧрсӧ.

Галатӧ 1:7 Referans Kwoze

Ап. уджъяс 15:24

Ми кывлім, мый кодсюрӧ миян йӧз шӧйӧвоштӧны тіянӧс асланыс велӧдӧмӧн, шуӧны, колӧ пӧ вундыштчыны да кутчысьны Индӧдӧ. Тадзи велӧднысӧ ми эгӧ тшӧктылӧй налы.

Галатӧ 5:10

Господь вылӧ лача кутӧмӧн эска, мый онӧ кутӧй мӧвпавны мӧд ног. Тіянӧс падмӧдысьясӧс Енмыс мыждас.

2 Коринфӧ 11:13

Тайӧ ылӧгапостолъясыс сӧмын пӧръясьӧны, шуӧны асьнысӧ Кристослӧн апостолъясӧн.

Галатӧ 5:12

Тіянӧс падмӧдысьяс, колӧкӧ, мед кодзасны асьнысӧ!

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

Восьтӧм 20:3

Андел шыбитіс сійӧс пыдӧстӧминӧ да йигналіс сэтчӧ. А петанінсӧ тупкис печатьӧн, медым гундыр эз пет да эз ылӧдлы войтыръясӧс, кытчӧдз оз помась сюрс воыс. Та бӧрти сійӧс лоӧ лэдзӧма дженьыд кад кежлӧ.

2 Иоан 1:10

Тіян дінӧ локтысь кӧ вайӧ мӧд велӧдӧм, энӧ сибӧдӧй сійӧс керка помад, весиг энӧ чолӧмасьӧй сыкӧд.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 2:20

Но Менам эм мыйсюрӧ тэныд паныд: тэ лэдзан Езавель аньлы, асьсӧ пророкӧн шуысьлы, велӧдны да кежӧдны ылӧгас Менсьым кесйӧгъясӧс. Тайӧ аньыс велӧдӧ найӧс кырсавны да сёйны идоллы вайӧм сёян.

Восьтӧм 2:6

Но ӧтитор тэ вӧчан бура: тэ мустӧмтан николаитъяслысь уджъяссӧ. Налысь уджъяссӧ Ме тшӧтш мустӧмта.

Восьтӧм 2:2

Ме тӧда тэнсьыд уджъястӧ, мырсьӧмтӧ да зумыдлунтӧ. Тӧда, тэ он терпит лёк йӧзӧс. Тэ тӧдмалін найӧс, кодъяс нимтӧны асьнысӧ апостолъясӧн, но збыльвылас найӧ абу апостолъяс. Тэ аддзин, мый найӧ – пӧръясьысьяс.

Иуда 1:4

Тіян пӧвстӧ наяна сюйсисны Ентӧг олысьяс. Татшӧм йӧзыслы важӧн нин дасьтӧма мыждӧмсӧ. Миян Енлысь буралӧмсӧ найӧ бергӧдӧны лэдзчысьӧм оласногӧ. Найӧ соссьӧны ӧти Ен Ыджыдысь да миян Господь Исус Кристосысь.

2 Иоан 1:7

Ӧні муюгыдас уна ылӧдысьыс. Найӧ оз эскыны, мый Исус Кристос локтіс вир-яйын. Татшӧм мортыс – ылӧдчысь да антикрист.

1 Иоан 2:26

Вылынджык ме гижи тіянӧс ылӧдысьяс йылысь.

2 Тимофейлы 2:18

Найӧ кежисны збыльсьыс, висьталӧны, ловзьӧмыс пӧ вӧлі нин. Татшӧм сёрнинас найӧ жугӧдӧны кодсюрӧлысь эскӧмсӧ.

Галатӧ 6:17

Водзӧ энӧ сьӧктӧдӧй менӧ, ӧд вир-яйын ме нуа Господь Исуслысь дойяссӧ.

Галатӧ 4:17

Кодсюрӧ оз бур могысь тӧждысьны тіян вӧсна. Найӧ кӧсйӧны янсӧдны миянӧс, медым ті тӧждысинныд на вӧсна.

Галатӧ 2:4

Тайӧс ёна кӧсйисны ылӧгвокъяс. Найӧ сибӧдчисны миян дінӧ кыйӧдчысьяс моз, медым тӧдмавны, мыйсяма мездлун миян эм Исус Кристоссянь. Найӧ зілисны бӧр сюйны миянӧс Индӧд улӧ.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

Ап. уджъяс 20:30

Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс.

Ап. уджъяс 13:10

«Тэ, омӧльыслӧн пи, веськыдлуныслы паныд сувтысь, тырӧмыд быдпӧлӧс лёкнас да пӧръясьӧмнас. Чайтан, и водзӧ верман пӧръясьӧмнад чукльӧдлыны Господьлысь веськыд туйсӧ?

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

Еремей 23:26

Дыр-ӧ найӧ пондасны висьтавлыны ылӧгсӧ, юӧртны пӧръясьӧмсӧ, мый налӧн сьӧлӧманыс?

Еремей 23:36

но энӧ юасьӧй, мыйӧн Господь сьӧктӧдӧ. Ӧд коді юалас тадзи, сійӧс аслас кывйыс кутас сьӧктӧдны. Ті мӧдарӧ бергӧданныд Господь Саваофлысь, миян ловъя Енлысь, кывъяссӧ.

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.