Филипӧ 3:20 - Коми Библия 2023

²⁰ Но миян оланінным енэжас. Сэсянь виччысям Мездысьӧс – миян Господь Исус Кристосӧс.

Филипӧ 3:20 Referans Kwoze

Ефесӧ 2:19

Сідзкӧ, ті абу нин бокысаяс да кыськӧ локтысьяс, ті – ас йӧз вежа войтырлы да ныв-пи Енмыслы.

2 Коринфӧ 4:18

Ми видзӧдам тыдавтӧмыс вылӧ, огӧ тыдаланаыс вылӧ, ӧд тыдавтӧмыс бырлытӧм, а тыдаланаыс бырана.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Колосӧ 1:5

Тайӧ тіян эм, ӧд ті оланныд енэжас дасьтӧмаыс вылӧ лачаӧн. Лача йывсьыс ті кывлінныд нин, кор тіянӧдз воис Бур Юӧрлӧн збыль кывйыс.

Ефесӧ 2:6

Сійӧ ловзьӧдіс миянӧс Исус Кристоскӧд да пуксьӧдіс Сыкӧд енэжас,

2 Коринфӧ 5:8

Ми повтӧмӧсь, ёнджыка на кӧсъям петны тайӧ вир-яйсьыс да овмӧдчыны гортӧ, Господь дінӧ.

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

1 Фессалоникаӧ 1:10

и виччысьны енэжсянь Енлысь Писӧ – Исусӧс, кодӧс Енмыс ловзьӧдіс кулӧмысь. Сійӧ мездас миянӧс локтана скӧрлунысь.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

Галатӧ 4:26

Енэжвыв Ерусалимыс – мездлуна кар, сійӧ миянлы ставнымлы мам.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

1 Коринфӧ 1:7

та вӧсна миян Господь Исус Кристослысь локтӧмсӧ виччысигӧн ті озырӧсь сетӧмторъяснас.

Ап. уджъяс 1:11

Найӧ шуисны: «Галилея войтыр, мый ті сулаланныд да видзӧданныд енэжас? Ті асланыд синмӧн аддзылінныд Исуслысь енэжӧ кыпӧдчӧмсӧ, тадзикӧн Сійӧ бӧр локтас».

Матвей 19:21

Исус шуис: «Кӧсъян кӧ тырвыйӧ бурӧн лоны, мун, овмӧстӧ вузав, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

1 Фессалоникаӧ 4:16

Кор кылас чукӧстӧм шы, кор шыасяс архангел да кылас Енлӧн труба шыыс, Ачыс Господь лэччас енэжсяньыс. Сэки медводз ловзясны кулӧмаяс, кодъяс эскисны Кристослы.

Лука 14:14

Тэ шуда лоан, ӧд найӧ оз вермыны тэныд мынтысьны. Тэныд лоӧ мынтӧма веськыда олысьяслӧн ловзьӧм дырйи».

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

Шусьӧгъяс 15:24

Мывкыд мортыд олӧмыслӧн туйӧд кайӧ, кулӧмаяслӧн оланінысь ылӧджык кежӧ.

Филипӧ 1:10

медым верминныд тӧдмавны медбурсӧ. Сэки Кристослӧн лунӧ ті лоанныд сӧстӧмӧсь да мыжтӧмӧсь,

Псалтыр 17:15

Лэдзис Ассьыс гымньӧвъяссӧ да чардбиӧн сявкйис найӧс енэж пасьталаыс.

Псалтыр 16:11

кыйӧдӧны менсьым быд воськов, медым кытшавны менӧ. Сюся видзӧдӧны ме бӧрся, медым ляскыны менӧ му вылӧ.

Лука 12:21

Тадзи лоӧ быдӧнкӧд, коді аслыс чукӧртӧ озырлунсӧ, а оз Енсянь озырмӧдчы».

1 Коринфӧ 15:48

Сідзкӧ, мувывса олысьяс ӧткодьӧсь муысь вӧчӧмторйыскӧд, а енэжвывса олысьяс ӧткодьӧсь енэжсянь Локтысьыскӧд.

Филипӧ 1:27

Сӧмын олӧй шогмана ногӧн, Кристослӧн Евангелльӧыс серти. Ме ог тӧд, верма-ӧ локны тіян дінӧ али ог вермы, аддза-ӧ тіянӧс али ог аддзы, но кӧсъя кывны, мый ті оланныд ӧти лолӧн да ӧтвылысь тышкасянныд Бур Юӧрӧ эскӧм вӧснаныд.