Филипӧ 2:5 - Коми Библия 2023

⁵ Мӧвпалӧй да вӧчӧй Исус Кристос моз.

Филипӧ 2:5 Referans Kwoze

1 Иоан 2:6

Сылы, коді шуӧ, ме пӧ Сы пытшкын, колӧ овны Сы моз.

Матвей 11:29

Пуктӧй Менсьым сийӧсӧс ас выланыд да велӧдчӧй Месянь, ӧд Ме рам да небыд сьӧлӧма. Сэки тіян ловлы сюрас шойччӧг.

1 Петыр 2:21

Дзик та вылӧ тіянӧс корӧма, ӧд Кристос нуис сьӧкыдсӧ тіян вӧсна. Тадзи Сійӧ петкӧдліс, медым ті олінныд Сы моз.

1 Петыр 4:1

Кристос вир-яйнас нуис сьӧкыдсӧ миян вӧсна. Сідзкӧ, ті тшӧтш лоӧй дасьӧсь нуны сьӧкыдсӧ, медым коляс кадсӧ тайӧ му вылас олінныд Ен кӧсйӧм серти, энӧ нин асланыд лёк кӧсйӧм серти. Ӧд вир-яйнас сьӧкыдалысь ылыстчӧ мыж вӧчӧмысь.

1 Коринфӧ 10:33

Олӧй ме моз. Ме быдторйын зіля шогмыны быдӧнлы. Ме ог тӧждысь ас вӧсна, а тӧждыся мукӧдыс вӧсна, медым найӧ мездмисны.

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

Римӧ 15:5

Бурӧдӧмсӧ да зумыдлунсӧ сетысь Ен мед сетас тіянлы ӧти сьӧлӧм. Ӧд Исус Кристос велӧдӧ,

Ап. уджъяс 20:35

Ме быдторйын петкӧдлі тіянлы, мый татшӧм ногӧн – уджалӧмӧн да Господь Исуслысь кывъяссӧ тӧд вылын кутӧмӧн – колӧ тӧждысьны вынтӧмъяс вӧсна. Сійӧ Ачыс шуліс: ”Босьтӧм дорысь бурджык сетны”».

Римӧ 15:3

Ӧд Кристос эз Ас йывсьыс мӧвпав. Гижӧма: «Тэнӧ омӧльтысьяслӧн лёкӧдӧмыс уси ме вылӧ».

Лука 22:27

Пызан сайын пукалысьыс али кесъялысьыс ыджыдджык? Абу-ӧ пызан сайын пукалысьыс? Но Ме тіян пӧвстын кесъялысь.

Римӧ 14:15

Тэ кӧ шогӧ уськӧдан воктӧ сёян вӧсна, сідзкӧ, тэ он вӧч мусапырысь. Эн жугӧд сійӧс аслад сёянӧн, ӧд сы вӧсна куліс Кристос.

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Филипӧ 1:1

Павел да Тимофей, Исус Кристослӧн кесйӧгъяс, чолӧмалӧны Филип карын олысь да Исус Кристослы эскысь став вежа войтырӧс, вичкоса веськӧдлысьясӧс да отсасьысьясӧс.