Филипӧ 2:26 - Коми Библия 2023

²⁶ Сійӧ ёна гажтӧмтчӧ тіян вӧсна да шогсьӧ, мый ті тӧданныд сылӧн висьӧм йылысь.

Филипӧ 2:26 Referans Kwoze

Филипӧ 1:8

Ен тӧдӧ, ме ёна радейта тіянӧс Исус Кристослӧн муслунӧн.

Ефесӧ 3:13

Вокъяс, кора тіянӧс: энӧ ӧшӧдӧй юрнытӧ, кор ме сьӧкыдала тіян вӧсна, ӧд та пыр вичмӧ тіянлы ошкӧмыс.

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Шусьӧгъяс 12:25

Майшасьӧмыд сьӧлӧмтӧ топӧдӧ, а бур кывйыд – гажӧдӧ.

Филипӧ 4:1

Муса вокъясӧй, ме ёна гажтӧмтча тіянысь. Ті – менам нимкодьлунӧй да ошйысян юркытшӧй. Мусаяс, зумыда кутчысьӧй Господькӧд ӧтувъя олӧмас!

Римӧ 9:2

Менам сьӧлӧмӧй ёна шогсьӧ да дугдывтӧг бӧрдӧ.

Матвей 26:37

Аскӧдыс Исус босьтіс Петырӧс да Зеведейлысь кыкнан писӧ. Исусӧс гажтӧм да шогалӧм босьтіс.

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Ӧксыяслӧн 2 небӧг 13:39

Но кор дугдіс шогсьынысӧ, сійӧ эз нин кӧсйы водзӧс перйыны Авессаломлысь.

1 Петыр 1:6

Сідзкӧ, нимкодясьӧй, весиг ковмас кӧ ӧні шогсьыштны быдпӧлӧс сьӧкыд нуӧмысь.

Филипӧ 1:3

Быд кадӧ тіянӧс казьтылігӧн аттьӧала ассьым Енмӧс

Галатӧ 6:2

Нуӧй ӧта-мӧдныдлысь сьӧкыдсӧ, тадзи пӧртанныд олӧмӧ Кристослысь тшӧктӧмсӧ.

2 Коринфӧ 9:14

Найӧ кевмысьӧны тіян вӧсна да ёна кӧсйӧны аддзысьлыны тіянкӧд, ӧд тіян пытшкын сы ыджда Енлӧн буралӧмыс.

1 Коринфӧ 12:26

Сьӧкыдалӧ кӧ вир-яйлӧн ӧти юкӧн, сыкӧд тшӧтш сьӧкыдалӧ мукӧд юкӧныс. Ошкӧны кӧ вир-яйлысь ӧти юкӧн, сыкӧд тшӧтш нимкодясьӧ мукӧд юкӧныс.

Римӧ 1:11

Ёна кӧсъя аддзӧдчывны тіянкӧд да юксьыштны Ловсянь сетӧмторъясӧн, медым ёнмӧдны тіянӧс.

Ап. уджъяс 21:13

Павел воча шуис: «Мый ті бӧрданныд, менсьым сьӧлӧмӧс дойдаланныд? Ме дась лоны кӧрталӧмаӧн, весиг дась кувны Ерусалимын Господь Исус ним вӧсна».

Иов 9:27

Ме верма шуны, мый дугда няргыны, вунӧда ассьым шогӧс да понда нюмъявны,

Ӧксыяслӧн 2 небӧг 24:17

Кор Давид аддзис войтырӧс бырӧдысь анделӧс, шыасис Господь дінӧ: «Ме мыжаыс. Ме [ыж видзысь] вӧчи та ыджда лёкторсӧ, а тайӧ ыжъясыс абу мыжаӧсь. Мыжды менӧ да менсьым рӧдӧс!»

Филипӧ 2:25

Но медводз лыддя коланаӧн мӧдӧдны тіян дінӧ Епафродит вокӧс, ассьым уджъёртӧс да отсасьысьӧс. Ті мӧдӧдлінныд сійӧс, медым сетны меным колана отсӧг.

Филипӧ 2:27

Епафродит ёна висис да вӧлі куланвыйын, но Енмыс вӧлі бур сьӧлӧма сы дінӧ, и эз сӧмын сы дінӧ, тшӧтш ме дінӧ, медым менам шогӧй эз сод.