Филипӧ 2:2 - Коми Библия 2023

² сідзкӧ, отсалӧй меным ёнджыка на нимкодясьны. Радейтӧй ӧта-мӧднытӧ ӧтмоза, олӧй ӧти сьӧлӧмӧн да ӧти мӧвпъясӧн, тіян костын мед лоӧ ӧтувъялун.

Филипӧ 2:2 Referans Kwoze

Римӧ 12:16

Ас костаныд лоӧй ӧти сьӧлӧмаӧсь, энӧ лыддьӧй асьнытӧ бурджыкӧн, коньӧръясӧс энӧ ӧтдортӧй да сюсьӧ энӧ пуксьӧй.

1 Коринфӧ 1:10

Вокъяс, кора тіянӧс миян Господь Исус Кристос нимӧн: ас костаныд энӧ юксьӧй, олӧй ӧти мӧвпъясӧн, ӧти видзӧдласӧн да ӧти могӧн.

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.

3 Иоан 1:4

Меным вывті нимкодь кывны, мый менам челядь ветлӧны збыляс.

Филипӧ 2:16

Кутчысьӧй олӧмыслӧн кывйӧ, сэки Кристослӧн лунӧ ме верма ошйысьны, мый эг весьшӧрӧ уджав да мырсьы тіян пӧвстын.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

2 Иоан 1:4

Меным лои зэв нимкодь, кор аддзи, мый тэнад челядь пиысь кодсюрӧ ветлӧны збыляс, Батьлӧн тшӧктӧмыс серти.

2 Фессалоникаӧ 2:13

Вокъяс, ті мусаӧсь Господьлы. Миянлы дугдывтӧг колӧ аттьӧавны Енсӧ тіянысь, ӧд Сійӧ водзысяньыс бӧрйис тіянӧс мездмӧм вылӧ. Тайӧ мездмӧмсӧ Сійӧ сетӧ тіянлы Ловлӧн вежӧдӧмыс пыр да збыльыслы эскӧм пыр.

Колосӧ 2:5

Кӧть ме вир-яйӧн абу тіянкӧд, но лолӧн тіянкӧд. Меным зэв нимкодь аддзыны, мый ті оланныд ӧти сьӧлӧмӧн да зумыда эсканныд Кристослы.

Филипӧ 4:2

Кора Еводияӧс да Синтикияӧс: воӧй ӧти кывйӧ, ӧд ті Господьлӧн.

Филипӧ 2:20

Тимофей сьӧлӧмсяньыс тӧждысьӧ тіян вӧсна, сы кодь мӧдыс абу.

2 Коринфӧ 7:7

и эз сӧмын тайӧн. Миян ловным кыпаліс тшӧтш сыысь, мый ті ышӧдӧмныд Титӧс. Сійӧ висьталіс миянлы, ті пӧ ёна гажтӧмтчанныд меысь, ёна шогсянныд да доръянныд менӧ. Таысь меным нӧшта на нимкодь лои.

2 Коринфӧ 2:3

Дзик та йылысь ме гижлі тіянлы, медым тіянӧ воа да, меным эз ковмы шогсьыны сійӧ йӧзыс вӧсна, код вӧсна колӧ нимкодясьны. Ме тӧда, меным кӧ нимкодь, тіянлы ставныдлы тшӧтш нимкодь.

Ап. уджъяс 5:12

Уна шензьӧданатор индысьпасъясӧн вӧчисны апостолъяс йӧз пӧвстын. Эскысьяс ӧти сьӧлӧмӧн чукӧртчывлісны Соломон йӧрӧ.

Ап. уджъяс 1:14

Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

Филипӧ 1:4

да нимкодьпырысь кевмыся ставныд вӧсна.

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

2 Тимофейлы 1:4

Тэнад синваыд оз вунлы менам. Ме ёна кӧсъя аддзӧдчывны тэкӧд, медым тырны нимкодьлунӧн.

Ап. уджъяс 2:1

Воис Ветымынӧд лунся гаж. Найӧ ставныс вӧліны ӧти сьӧлӧмаӧсь. Кор найӧ вӧлі чукӧртчӧмаӧсь,

Филимонлы 1:20

Вокӧй, Господь нимсянь вӧч меным тайӧ бурторсӧ, лӧньӧд менсьым сьӧлӧмӧс Господь вӧсна.