Филипӧ 2:15 - Коми Библия 2023

¹⁵ медым ті вӧлінныд Енлӧн сӧстӧм, мыжтӧм да пежасьтӧм челядьӧн. Сэки тайӧ тшыксьӧм да пежасьӧм йӧз пӧвстас ті лоанныд дзирдалысь кодзувъяс кодьӧсь.

Филипӧ 2:15 Referans Kwoze

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Исай 60:1

Чеччы, югъяв, Ерусалим, ӧд тэнад югыдыд ӧзйис, тэ весьтын Господьлӧн дзирдлуныс тыдовтчис.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

Индӧд 32:5

Но тайӧ войтырыс мыж вӧчӧ Господьлы паныд, асланыс мыж вӧсна найӧ абу нин Сылӧн ныв-пи, найӧ – ылӧдчысьяс, пежас вӧйӧмаяс.

2 Петыр 3:14

Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун.

1 Коринфӧ 1:8

Енмыс ёнмӧдас тіянӧс зумыда сулавны помӧдз, медым миян Господь Исус Кристослӧн лунӧ ті вӧлінныд сӧстӧмӧсь.

Титлы 2:10

Мед оз гусясьны, мӧдарӧ, быдторйын мед петкӧдласны, мый налы позьӧ тырвыйӧ эскыны. Сэки на пыр лоӧ пыдди пуктӧма Ен Мездысьнымлысь велӧдӧмсӧ.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Матвей 5:48

Лоӧй енэжвыв Батьныд моз тырвыйӧ бурӧсь».

1 Тимофейлы 3:10

Найӧс колӧ водзвыв тӧдмавны, сэсся, шогманаӧсь кӧ, мед кесъялӧны.

1 Тимофейлы 3:2

Вичкоса веськӧдлысьӧн вермӧ лоны сӧмын сӧстӧм оласнога, ӧти гӧтыра, садь да сюсь вежӧра, бур оласнога морт. Ветлысь-мунысьӧс сибӧдӧ, кужӧ велӧдны,

Филипӧ 1:10

медым верминныд тӧдмавны медбурсӧ. Сэки Кристослӧн лунӧ ті лоанныд сӧстӧмӧсь да мыжтӧмӧсь,

Ефесӧ 5:27

медым сувтӧдны сійӧс Ас водзас быд боксянь мичаӧн: вежаӧн, сӧстӧмӧн, медым сылӧн эз вӧв некутшӧм няйттор, чукыр да тырмытӧмтор.

Римӧ 16:19

Тіян кывзысяна олӧмныд быдӧнлы бура тӧдса. Таысь меным нимкодь. Кӧсъя, мед эськӧ ті вӧлінныд тэрыбӧсь бурыс вылӧ, но ньӧжмыдӧсь лёкыс вылӧ.

Ап. уджъяс 2:40

Тадзи унатор на Петыр висьталіс да ышӧдӧмӧн шуаліс: «Мездысьӧй тайӧ нэмса тшыксьӧм йӧзысь, мед эз су тіянӧс мыждӧмыс».

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Титлы 2:15

Тадзи велӧд, ышӧд да янӧд тэныд сетӧм вынӧн. Эн сет асьтӧ некодлы увтыртны.

Титлы 1:6

Юрнуӧдысь мед вӧлі бур оласнога, ӧти гӧтыра, ныв-пиыс мед эскисны, быдторйын кывзысисны да лэдзчысьӧмӧн эз овны, на йылысь мед эз кыв лёк сёрни.

1 Тимофейлы 5:20

Мыж вӧчысьӧс янӧд ставныс водзын, медым мукӧдыс тшӧтш полісны.

Ап. уджъяс 20:30

Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс.

Иоан 5:35

Иоан вӧлі яръюгыда ӧзъялысь би, сӧмын этша кад ті кӧсйинныд нимкодясьны сылӧн югӧр улын.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Матвей 17:17

Исус шуис: «Эскытӧм-ылалӧм йӧз! Дыр-ӧ на Меным овнысӧ тіянкӧд? Дыр-ӧ на Меным видзӧдны тіянӧс? Вайӧдӧй Ме дінӧ зонкасӧ».

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

1 Тимофейлы 5:14

Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.

1 Тимофейлы 5:7

Туйдӧд тадзи дӧваясӧс, медым найӧ олісны сӧстӧма.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Шусьӧгъяс 8:8

Менам кывъясӧй веськыдӧсь, менам сёрниын наянлуныс да ылӧгыс абу.

Даниил 6:4

Сэки ыджыдалысьяс да сатрапъяс пондісны корсьны помка, медым мыжавны Даниилӧс сыысь, мый оз колана ногӧн юрав. Но найӧ нинӧм эз аддзыны, ӧд Даниил эз пӧръясь, а ставсӧ вӧчис веськыда.

Филипӧ 3:6

Ен вӧсна тӧждысьӧмӧй петкӧдчис сыын, мый вӧтлі Енлысь вичкосӧ. Индӧд серти ме вӧлі веськыдӧн да мыжтӧмӧн.

Восьтӧм 2:5

Сідзкӧ, мӧвпышт, кысянь тэ усин, бергӧдчы да вӧч ассьыд медводдза уджъястӧ. Он кӧ бергӧдчы, регыд локта тэ дінӧ да вешта тэнсьыд бикоктӧ места вывсьыс.

Петӧм 34:35

Израиль пиян аддзывлісны, кыдзи дзирдаліс Мӧисейлӧн чужӧмыс. Та вӧсна Мӧисей вевттьыліс ассьыс чужӧмсӧ сійӧ кадӧдзыс, кор бара мунліс сёрнитны Господькӧд.