Филипӧ 1:17 - Коми Библия 2023

¹⁷ Мукӧдыс висьтавлӧны муслунныс вӧсна, ӧд найӧ тӧдӧны, мый Енмыс сувтӧдіс менӧ дорйыны Сылысь Бур Юӧрсӧ.

Филипӧ 1:17 Referans Kwoze

Филипӧ 2:3

Нинӧм энӧ вӧчӧй асьнытӧ петкӧдлӧм могысь да вылӧ кыпӧдчӧм могысь. Быдӧн мед рам сьӧлӧмӧн пуктӧ мӧдсӧ ассьыс вылӧджык

Филипӧ 1:7

Дерт, меным тадзи и колӧ мӧвпавны тіян йылысь. Пукала-ӧ ме дзескыдінын, доръя-ӧ Бур Юӧрсӧ али висьтавла сійӧс эскӧдӧмӧн, ті ставныд менам сьӧлӧмынӧсь, ӧд тіянлы мекӧд ӧтвыв вичмис Енсянь бурсетӧмыс.

2 Тимофейлы 4:16

Ёрд водзын медводдза дорйысигӧн некод эз сувт ме дор, ставныс эновтісны менӧ. Мед оз ло лыддьӧма тайӧс налы мыжӧн.

1 Тимофейлы 2:7

Та йылысь юӧртны сувтӧдіс менӧ Ен. Сійӧ индіс менӧ апостолӧн да ентӧдӧмъясӧс збыляс-эскӧмас велӧдысьӧн. Кристос водзын збыль висьтала, ог пӧръясь.

Ап. уджъяс 26:24

Кор Павел тадзи дорйысис, Фест гораа шуис: «Тэ дзикӧдз йӧймӧмыд, Павел! Ыджыд тӧдӧмлуныд вӧсна вежӧртӧ воштӧмыд».

Ап. уджъяс 26:1

Агриппа шуис Павеллы: «Тэ верман сёрнитны ас кузяыд». Павел кисӧ лэптылӧм бӧрын заводитіс дорйысяна сёрнисӧ:

Ап. уджъяс 22:1

«Вокъясӧй да батьясӧй, кывзӧй! Ачымӧс дорйӧм могысь ме кӧсъя мыйкӧ шуны тіянлы».

Лука 21:14

Кутӧй тӧд выланыд: водзвыв энӧ тӧждысьӧй, мый шуны асьнытӧ дорйӧм могысь.

Римӧ 2:8

Но чорыд скӧрлун виччысьӧ найӧс, кодъяс радейтӧны сӧмын асьнысӧ, кодъяс оз овны збыльыс серти, а сетчӧны ылӧгас.

Филипӧ 1:18

Наянпырысь-ӧ, восьса сьӧлӧмӧн-ӧ найӧ висьтавлӧны Кристос йылысь, меным веськодь. Мед сӧмын висьтавласны-а! Ме и таысь нимкодяся да водзӧ кута нимкодясьны,

2 Тимофейлы 2:9

Тайӧ юӧр вӧснаыс ме и нуа сьӧкыдсӧ. Менӧ дорисны лёк вӧчысьӧс моз, но Енлысь кывсӧ абу дорӧма.