Езекиль 9:1 - Коми Библия 2023

¹ Та бӧрын ме кылі, кыдзи Господь гораа горӧдіс: «Локтӧй, Ерусалим карӧс мыждысьяс! Босьтӧй кианыд тышкасянторнытӧ!»

Езекиль 9:1 Referans Kwoze

Исай 6:8

Сэсся ме кылі Господьлысь гӧлӧс шысӧ: «Кодӧс Меным мӧдӧднысӧ? Коді мунас миян пыдди?» Сэки ме шуи: «Со ме, мӧдӧд менӧ!»

Восьтӧм 14:7

Анделыс гораа шуаліс: «Полӧй Енсьыс да ошкӧй Сійӧс, ӧд воис Сылӧн мыждан луныс. Копыртчылӧй Сылы, коді вӧчис енэжсӧ да мусӧ, саридзсӧ да ва петанінъяссӧ!»

1 Каднебӧг 21:15

Енмыс мӧдӧдіс анделӧс, медым бырӧдны Ерусалим. Кор андел пондіс бырӧдны йӧзсӧ, Господь видзӧдліс Ерусалим вылӧ да вежис кывсӧ. Сійӧ шуис бырӧдысь анделлы: «Тырмас. Вешты китӧ». Господьлӧн анделыс сэки сулаліс евусса Орнанлӧн гумла дорын.

Ӧксыяслӧн 4 небӧг 10:24

Сэсся найӧ пондісны вайны сотан да мукӧд висьяс. Юрбитанін ортсыас Еху сувтӧдіс кӧкъямысдас тышкамортӧс да шуис налы: «Ме сета тайӧ йӧзсӧ тіян киӧ. Коді лэдзас пышйыны на пиысь кодӧскӧ, сійӧ мынтысяс юрнас».

Петӧм 12:23

Господь мунас Египет муӧд да виалас египетсаясӧс, но кор ӧдзӧс куричьясысь аддзас вир, Сійӧ мунас бокиті – оз лэдз бырӧдысьлы пырны тіян керкаясӧ да вины тіянӧс.

Езекиль 43:3

Татшӧм жӧ петкӧдчылӧмъяс ме аддзылі, кор Господь воліс бырӧдны Ерусалим кар, и кор ме вӧлі Кевар ю бокын. Ме кымынь уси муас.

Еремей 4:6

Лэптӧй дӧрапас Сион керӧс вылын, пышйӧй-котӧртӧй тэрмасьӧмӧн, ӧд войвывсянь Ме вайӧда ыджыд шог да бырӧдӧм.