Езекиль 7:9 - Коми Библия 2023

⁹ Ме ог жалит тіянӧс, ог бурсьӧлӧмтчы тіян дінӧ. Ме мынтыся тіянлы олан туйныд серти, зывӧк вӧчӧмсьыныд ті кывкутанныд. Сэки ті тӧдмаланныд, мый Ме – мыждысь Господь.

Езекиль 7:9 Referans Kwoze

Восьтӧм 20:13

Сэки саридзыс, пыдӧстӧминыс да кулӧмыс сетісны ассьыныс кулӧмаяссӧ, и быдӧнӧс найӧс вӧлі мыждӧма уджъясныс серти.

Галатӧ 6:7

Асьнытӧ энӧ ылӧдлӧй – Енмыс серамтуйын оз ло. Мортыд мый кӧдзас, сійӧс и вундас.

Микей 6:9

Мывкыд морт вежавидзӧ Господьысь. Господь шыасьӧ кар дінӧ, кывзӧй Сійӧс, карса олысьяс да веськӧдлысьяс!

Исай 9:13

Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.

Еремей 21:7

Та бӧрти, – висьталӧ Господь, – иудаса Седекей ӧксыӧс, сылысь кесъялысьяссӧ да став войтырсӧ, кодъяс тайӧ карас оз кувны пӧрӧс висьӧмысь, шыпуртысь да тшыгъялӧмысь, Ме сета вавилонса Навукодоносор ӧксылӧн киӧ да вӧрӧглӧн киӧ, коді кӧсйӧ босьтны налысь олӧмсӧ. Вавилонса ӧксы виас найӧс шыпуртӧн, оз жалит найӧс, оз бурсьӧлӧмтчы на дінӧ».

Бӧрданкыв 2:17

Господь вӧчис, мый кӧсйис, збыльмӧдіс Ассьыс кывсӧ, важысянь шуӧмсӧ. Сійӧ жалиттӧг бырӧдіс тэнӧ, вӧрӧглы лэдзис нимкодясьны, тэнӧ мустӧмтысьясӧс вылӧ кыпӧдіс.

Езекиль 7:8

Регыд Ме кисьта тіян вылӧ Ассьым скӧрлунӧс, Ассьым ярлунӧс петкӧдла тіянлы. Ме мыжда тіянӧс олан туйныд серти, мынтыся зывӧк вӧчӧмсьыныд.

Езекиль 7:10

Матыстчӧ сійӧ луныс, суас тіянӧс мыждӧмыс. Дзескӧдӧмӧн юралӧм паськалӧ, ыкшалун быдмӧ,

Езекиль 23:49

Ті мынтысянныд лэдзчысьӧм оласногсьыныд да идолъяслы юрбитӧмсьыныд. Ме мыжда тіянӧс тайӧ мыжъясысь, и ті тӧдмаланныд, мый Ме – Господь Ыджыдыс».

Еремей 13:14

Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».

Еремей 36:31

Ме мыжда Ехоякимӧс, сылысь челядьсӧ да сылы кесъялысьясӧс налӧн лёк вӧчӧмысь. Ме мӧдӧда на вылӧ, Ерусалимын олысьяс да Иуда войтыр вылӧ став сійӧ шогсӧ, мый Ме шуи мӧдӧдны, но найӧ эз кывзыны».

Езекиль 5:11

Ме Ачым кыв сетӧмӧн шуа, мый кушӧдз шыра тэнӧ, – висьталӧ Господь Ыджыдыс, – ӧд тэ пежалін Менсьым вежаинӧс аслад пеж уджъясӧн да зывӧкторъясӧн. Ме ог жалит тэнӧ, ог бурсьӧлӧмтчы тэ дінӧ.

Езекиль 22:22

Пачын эзысьӧс сывдӧм моз тіянӧс лоӧ сывдӧма Ерусалимын. Сэки ті тӧдмаланныд, мый Ме, Господь, кисьті Ассьым скӧрлунӧс тіян вылӧ».