Езекиль 7:10 - Коми Библия 2023

¹⁰ Матыстчӧ сійӧ луныс, суас тіянӧс мыждӧмыс. Дзескӧдӧмӧн юралӧм паськалӧ, ыкшалун быдмӧ,

Езекиль 7:10 Referans Kwoze

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

1 Фессалоникаӧ 5:3

Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.

Шусьӧгъяс 14:3

Вежӧртӧмлӧн сӧрӧмыс ньӧрйӧн аслыс бергӧдчас, мывкыд мортӧс кывйыс видзас.

Лыд 17:8

Мӧд луннас Мӧисей пырис [Ааронкӧд] вежа чомйӧ да аддзис, мый Левий чужанкотырысь Ааронлӧн беддьыс дзоридзалӧ. Беддьыс гаръялӧма, а гаръяссьыс мыччысьӧма дзоридз да вотӧсалӧма миндаль.

Езекиль 21:13

Менсьым войтырӧс тӧдмалӧма нин. А войтырыс кӧ мустӧмтӧ юралан бедьсӧ, юралӧмыс оз вермы сулавны, – висьталӧ Господь Ыджыдыс.

Езекиль 21:10

Лэчтӧма, медым унаӧс начкыны-керавны, весалӧма, медым сійӧ чардби моз югъялас. Нимкодясьны-ӧ, мый Менам пилӧн юралан беддьыс мустӧмтӧ мукӧд юралан бедьяс?

Езекиль 19:14

Сылӧн пучӧрысь ыпнитіс би, кутчысис вожъясас, ньылыштіс вотӧссӧ. Ён вожъясысь нинӧм эз коль, медым юралан бедь вӧчны. Тайӧ – бӧрдӧдчанкыв, сійӧс сьылӧны шог дырйи.

Езекиль 7:6

тэныд пом воӧ, тэнӧ бырӧдӧм виччысьӧ.

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Езекиль 7:9

Ме ог жалит тіянӧс, ог бурсьӧлӧмтчы тіян дінӧ. Ме мынтыся тіянлы олан туйныд серти, зывӧк вӧчӧмсьыныд ті кывкутанныд. Сэки ті тӧдмаланныд, мый Ме – мыждысь Господь.

Езекиль 7:12

Воис кад, матыстчӧ лун. Ньӧбысь мед оз нимкодясь, вузалысь мед оз бӧрд, ӧд ставныс вылӧ киссьӧ скӧрлунӧй.

Исай 21:12

Кар видзысь вочавидзӧ налы: «Асылыс матыстчӧ нин, но войыс эз на помась. Кӧсъянныд кӧ нӧшта юавны – бара на волӧй да юалӧй».

Езекиль 12:23

Та вӧсна шу войтырыслы, мый Господь Ыджыдыс тадзи висьталӧ: тайӧ шусьӧг ветлӧмлы Ме пукта пом, и сійӧс вунӧдасны Израильын. Шу налы, мый матыстчӧны лунъяс, и Енсянь петкӧдчылӧмъяс збыльмасны.

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.