Езекиль 6:6 - Коми Библия 2023

⁶ Быдлаын, кӧні ті оланныд, каръясныд лоасны овтӧминӧн, вись ваян мылькъясныд – кушинӧн. Висьпуктанінъяснытӧ да идолъяснытӧ лоӧ пасьвартӧма, тшынӧдчанінъяснытӧ да киӧн вӧчӧмторъяснытӧ – дзикӧдз бырӧдӧма.

Езекиль 6:6 Referans Kwoze

Закар 13:2

«Сійӧ лунӧ, – висьталӧ Господь Саваоф, – Ме бырӧда тайӧ мусьыс идолъясӧс, весиг налысь нимъяссӧ вунӧдасны. Нӧшта Ме бырӧда тайӧ мусьыс ылӧгпророкъясӧс да пеж лолӧс.

Микей 1:7

Идолъяссӧ жугласны, кырсалӧмысь сетӧм козинъяссӧ сотасны. Ме бырӧда сылысь идолъяссӧ, ӧд кырсалӧмысь босьтӧм дон вылӧ сійӧ сувтӧдіс найӧс, и кырсалӧмысь бара лоӧ мынтысьӧма наӧн.

Езекиль 5:14

Ерусалим, Ме вӧча тэнӧ из чукӧрӧн, тэ гӧгӧр олысь войтыръяслы да тэ дінті ветлысь-мунысьяслы сета тэнӧ лёкӧдны.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Езекиль 6:4

Висьпуктанінъяснытӧ куштасны, тшынӧдчанінъяснытӧ жугласны. Идолъясныд водзӧ Ме шыблала виӧмаясӧс.

Левит 26:30

Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Софоний 1:18

Господьлӧн скӧралан лунӧ налӧн эзысь-зарниныс оз вермы мездыны найӧс, Господьлӧн скӧрлуна биыс бырӧдас ставнас мусӧ, Сійӧ виччысьтӧг бырӧдас му вылас став олысьсӧ.

Аввакум 2:18

Вермас-ӧ отсавны бӧлбан – пуысь вӧчӧмторйыс? Вермас-ӧ отсавны идол – сывдӧмӧн вӧчӧм ылӧгвелӧдысьыс? Но вӧчасьысь лача кутӧ аслас идол вылӧ, сёрнитны вермытӧм ен вылӧ.

Микей 5:13

Ме бырӧда идолъяснытӧ да юрбитан изъяснытӧ, ті онӧ кутӧй сэсся копрасьны киӧн вӧчӧмторъяслы.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Осий 10:8

Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»

Осий 10:2

Кык пельӧ торъяліс налӧн сьӧлӧмыс, та вӧсна найӧс лоӧ мыждӧма. Господь пазӧдас налысь висьпуктанінъяссӧ, жуглас юрбитан изъяссӧ.

Езекиль 30:13

Господь Ыджыдыс тадзи висьталӧ: Мемфисысь Ме бырӧда идолъясӧс да ылӧг енъясӧс, Египетӧс Ме коля ӧксытӧг. Ме повзьӧда-весьӧпӧрта Египетӧс,

Езекиль 16:39

Ме сета тэнӧ мусукъясыдлӧн киӧ, и найӧ жугласны тэнсьыд юрбитан мылькъястӧ, пӧрччӧдасны тэ вылысь паськӧмтӧ да мичмӧдчанторъястӧ, колясны тэнӧ пасьтӧгыд.

Еремей 34:22

Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 17:3

да Менам керӧс вылын. Тіян мыжъяс вӧсна, мый ті вӧчинныд асланыд му пасьтала, Ме сета мырддялысьяслӧн киӧ эмбурнытӧ, озырлуннытӧ да вись ваян мылькъяснытӧ.

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 9:19

Сионсянь кылӧ бӧрдӧм шы: «Миянлысь ставсӧ мырддисны, миянлы юръяндзим. Миянлы ковмас эновтны мунымӧс, ӧд керкаяснымӧс пазӧдӧма-кисьтӧма!»

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Исай 64:10

Тэнад вежа каръясын некод оз ов, Сион лои овтӧминӧн, Ерусалим – кушинӧн.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Исай 2:20

Сійӧ лунӧ мортыс босьтас зарниысь да эзысьысь вӧчӧм идолъясӧс, кодъясӧс сійӧ вӧчис копрасьӧм вылӧ, да шыбитас найӧс вурдысьяслы да борда шыръяслы.

Исай 2:18

идолъяс дзикӧдз бырасны.

Исай 1:31

Вына морт лоӧ идзас кодь, сылӧн уджъясыс – бикинь кодь. Найӧ ӧтвылысь ыпнитасны, и некод оз вермы кусӧдны.

Псалтыр 115:8

Господьӧй, ме вая Тэныд аттьӧалана вись, ошка Тэнсьыд нимтӧ.

Левит 26:31

Каръяснытӧ Ме пасьварта, вежаинъяснытӧ бырӧда, чӧскыда ӧвтан висьяснытӧ ог сибӧд.

Ӧксыяслӧн 1 небӧг 5:4

Мӧд асывнас локтісны зэв водз да аддзисны, мый Дагон бара кымынь куйлӧ Господьлӧн куд водзын. Сылысь [коксӧ,] кисӧ да юрсӧ вӧлі керыштӧма, найӧ туплясисны тагӧс вылас. Кольӧма вӧлі сӧмын тушаыс.

Езекиль 6:7

Тіян пӧвстысь унаӧс лоӧ виӧма. Сэки ті тӧдмаланныд, мый Ме – Господь!

Езекиль 12:19

Тайӧ муас олысь Израиль войтырлы висьтав, мый висьталӧ Господь Ыджыдыс Ерусалимын олысьяс да Израиль му йылысь. Найӧ майшасьӧмпырысь кутасны сёйны ассьыныс няньсӧ, полӧмпырысь юны васӧ. Найӧ виалӧны-дзескӧдӧны, та вӧсна налысь мусӧ ставнас лоӧ куштӧма.

Езекиль 35:4

Каръяссьыд вӧча из чукӧръяс, а тэ лоан овтӧминӧн. Сэки тэ тӧдмалан, мый Ме – Господь.

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Еремей 51:18

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.