Езекиль 6:5 - Коми Библия 2023

⁵ Израиль пиянлысь шойяссӧ пукта идолъясныс водзӧ, лыяснысӧ пазӧда налӧн висьпуктанінъяс гӧгӧр.

Езекиль 6:5 Referans Kwoze

Ӧксыяслӧн 4 небӧг 23:16

Гӧгӧрбок видзӧдалігӧн Иосей аддзис керӧс пӧлӧнысь шойна. Сійӧ тшӧктіс перъявны сэтысь лыяссӧ да сотіс найӧс висьпуктанін вылын. Тадзи пежаліс висьпуктанінсӧ Господьлӧн шуӧмыс серти, мый йылысь Енлӧн морт водзынджык юӧртліс. [Сійӧ юӧртліс та йылысь сэки, кор Еровам ӧксы сулаліс гаж дырйи висьпуктанін водзын. А ӧні гӧгӧрбок видзӧдалігӧн Иосей аддзис дзебанінсӧ Енлӧн мортлысь, коді водзвыв висьтавліс тайӧ лоӧмторйыс йылысь.]

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

Псалтыр 53:5

Локтысь йӧз кыпӧдчисны меным паныд, лёк вӧчысьяс корсьӧны босьтны менсьым олӧмӧс, Енсӧ найӧ нинӧм туйӧ пуктӧны.

Езекиль 43:7

«Морт пиӧй, тайӧ крамыс Менам юралан пуклӧсӧй да Менам кок улӧй. Тані Ме кута овны Израиль пиян пӧвстын нэмъяс чӧж. Израиль войтыр да налӧн ӧксыясыс оз нин кутны пежавны Менсьым вежа нимӧс идолъяслы сетчӧмнас да кулӧм ӧксыясныслы ыджыд казьтылан изъяс сувтӧдӧмнас.

Еремей 7:32

Та вӧсна воасны лунъяс, – висьталӧ Господь, – кор тайӧ висьваянінсӧ оз нин кутны шуны Тофетӧн, а ковтыссӧ – Бен-Хинном ковтысӧн, но кутасны шуны виалан ковтысӧн. Сэтчӧ пондасны дзебны виӧмаясӧс, ӧд мӧдлаын местаыс оз ло.