Езекиль 6:4 - Коми Библия 2023

⁴ Висьпуктанінъяснытӧ куштасны, тшынӧдчанінъяснытӧ жугласны. Идолъясныд водзӧ Ме шыблала виӧмаясӧс.

Езекиль 6:4 Referans Kwoze

2 Каднебӧг 14:5

Иудаса став карысь сійӧ бырӧдіс вись ваян мылькъяс да тшынӧдчан висьпуктанінъяс. Аса ӧксылӧн веськӧдлан кадӧ Иуда муын овсис лӧня.

Левит 26:30

Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Еремей 43:13

Египет муын Он карысь сійӧ жуглас юрбитан изъяс, а египетса енъяслы юрбитанінъяссӧ сотас биӧн».

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

Ӧксыяслӧн 1 небӧг 5:4

Мӧд асывнас локтісны зэв водз да аддзисны, мый Дагон бара кымынь куйлӧ Господьлӧн куд водзын. Сылысь [коксӧ,] кисӧ да юрсӧ вӧлі керыштӧма, найӧ туплясисны тагӧс вылас. Кольӧма вӧлі сӧмын тушаыс.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Еремей 7:32

Та вӧсна воасны лунъяс, – висьталӧ Господь, – кор тайӧ висьваянінсӧ оз нин кутны шуны Тофетӧн, а ковтыссӧ – Бен-Хинном ковтысӧн, но кутасны шуны виалан ковтысӧн. Сэтчӧ пондасны дзебны виӧмаясӧс, ӧд мӧдлаын местаыс оз ло.