Езекиль 48:14 - Коми Библия 2023

¹⁴ Господьлы торйӧдӧм мусӧ оз позь вузавны ни вежны, оз позь сетны киысь киӧ, ӧд тайӧ медбур му юкӧныс Господьлӧн. Сійӧ – вежа му.

Езекиль 48:14 Referans Kwoze

Левит 27:28

Мортӧс, пемӧсӧс либӧ рӧдвуж овмӧсысь муяс Господьлы ёрӧм улын сиӧм бӧрын вузавны либӧ бӧр ньӧбны оз позь. Мый сиӧма ёрӧм улын – тайӧ Господьлӧн вежасьыс-вежатор.

Езекиль 48:12

Садок рӧдысь попъяслы вичмас торйӧдӧм муысь вежасьыс-вежа му юкӧн. Сійӧ лоӧ левитъяслӧн мукӧд орччӧн.

Левит 25:34

Левитъяслӧн кар бердысь видзьяс вузавны оз позь, ӧд найӧс сетӧма левитъяслы пыр кежлӧ».

Левит 23:20

Поп мед ваяс кык балясӧ медводдза вундӧм нянькӧд Господь водзын пыркӧдан вись пыдди. Тайӧ Господьлы сиӧм вежатор, мый вичмӧ поплы [коді кесъялӧ вись вайигӧн].

Петӧм 22:29

Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

Римӧ 8:23

Да оз сӧмын найӧ, тшӧтш ми, кодъяслӧн эм Енсянь Лолыс, тайӧ медводдза сетӧмторйыс, ружтӧмӧн-ойзӧмӧн виччысям Енлӧн ныв-пиӧн лоӧмсӧ, вир-яйным вӧсна вештысьӧмсӧ.

Левит 25:32

Левитъяслӧн пыр эм позянлун бӧр ньӧбны асланыс каръясысь керканысӧ.

Езекиль 48:13

Левитъяслы лоӧ попъяслӧн му бердысь кызь вит сюрс гырддза кузьта да дас сюрс гырддза пасьта му. Попъяслӧн да левитъяслӧн муясыс ӧтлаын лоӧны кузьтанас кызь вит сюрс гырддза, пасьтанас – кызь сюрс гырддза.

Петӧм 23:19

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».