Езекиль 48:1 - Коми Библия 2023

¹ «Израиль чужанкотыръяслӧн нимъяс серти муясыс татшӧмӧсь. Войвылын лоӧ Дан чужанкотырлӧн муыс. Сылӧн войвыв мудорыс нюжӧдчас Хетлон туйӧд Лево-Хаматӧдз, водзӧ Хацар-Энан карӧдз. Дамаск да Хамат муяс лоӧны мудор войвывладорын. Тайӧ муыс асыввывсянь саридз дорӧдз лоӧ Данлӧн.

Езекиль 48:1 Referans Kwoze

Езекиль 47:20

Рытыввыв мудорнас лоӧ Ыджыд саридз. Мудорыс мунас лунвывсянь Лево-Хамат весьтӧдз. Тайӧ рытыввыв мудор.

Ӧксыяслӧн 2 небӧг 24:2

Ӧксы шуис Йоавлы, тышкайӧзлӧн юралысьлы: «Кытшовтӧй став Израиль [да Иуда] чужанкотырсӧ войвыв Дансянь лунвыв Бер-Шеваӧдз да арталӧй-гижалӧй войтырсӧ. Ме кӧсъя тӧдны налысь лыдсӧ».

Езекиль 47:23

Кутшӧм чужанкотыр пӧвстӧ овмӧдчас йӧз муысь локтысь, сэтысь и сетӧй сылы пайсӧ, – висьталӧ Господь Ыджыдыс».

Нав Исус 19:48

Татшӧм му сэтчӧс каръясӧн да нагӧгӧрса сиктъясӧн вичмӧдӧма Дан чужанкотырлӧн рӧдъяслы. [Дансянь чужысьяс эз бырӧдны аморейясӧс, кодъяс дзескӧдісны найӧс керӧс вылын. Аморейяс эз сетны налы петны ковтысӧ, мырддисны налысь мусӧ.]

Езекиль 47:13

«Господь Ыджыдыс тадзи висьталӧ: со кыдзи тіянлы колӧ юклыны мусӧ Израильлӧн дас кык чужанкотырлы. Ӧсиплы сетӧй кык пай.