Езекиль 47:18 - Коми Библия 2023

¹⁸ Асыввылын мудорыс мунас Хавран да Дамаск муяс костті, Галаад да Израиль муяс костын мудорыс мунас Йӧрдан юті асыввыв саридз дорӧдз. Тайӧ асыввыв мудор.

Езекиль 47:18 Referans Kwoze

Олӧм 13:10

Лот аддзис, мый Йӧрдан ковтыс Цоар карӧдз вӧлі Господьлӧн сад йӧр кодь да уна ваа Египет му кодь. Тайӧ вӧлі Господьӧн Содом да Гомора каръяс бырӧдтӧдз на.

Иов 40:23

Кӧрталас-ӧ сійӧ тэкӧд йитӧд, босьтан-ӧ тэ сійӧс кесйӧгӧ пыр кежлӧ?

Ёрдысьяс 10:8

Дас кӧкъямыс во чӧж найӧ дзескӧдісны да нартитісны Израиль пиянӧс, кодъяс олісны Галаадын, аморейяслӧн муын Йӧрдан ю сайын.

Лыд 32:1

Рувим да Гад пиянлӧн вӧлі зэв уна ыж-мӧс. Найӧ аддзисны, мый Язер да Галаад муясын эмӧсь бур йирсянінъяс.

Олӧм 31:47

Лаван нимтіс мыльксӧ Егар-Сагадутаӧн, а Яков нимтіс Галаадӧн.

Олӧм 31:23

Сэки Лаван чукӧртіс [пиянсӧ да] ассьыс рӧдвужсӧ да вӧтчис Яков бӧрся. Сизимӧд луннас Галаад керӧсвыв муын вӧтӧдіс сійӧс.

Олӧм 13:11

Лот бӧрйис Йӧрдан ковтыс да веськӧдчис асыввылӧ. Тадзи найӧ Ӧврамкӧд торъялісны ӧта-мӧдсьыныс.

Олӧм 37:25

Сёйны пуксиганыс вокъяс аддзисны, мый налань локтӧны верблюдъяс. Тайӧ измаил войтыр нуисны Галаадсянь Египетӧ чӧскыд дука сиръяс, мавтасъяс да ладан.

Лыд 34:10

Асыввыв мудорныд мед лоӧ Хацар-Энансянь Шефамӧдз,

Еремей 50:19

Израиль войтырӧс Ме бӧр бергӧда аслас йирсянінӧ, сійӧ пондас йирсьыны Кармил да Васан ыбъяс вылын, кутас пӧткӧдчыны Ефрем да Галаад керӧсвыв муясын.

Езекиль 47:16

сэтысянь мунас Берота карӧдз, сэсся мунас Дамаск да Хамат муяс костын сулалысь Сивраим карӧдз, водзӧ – Хавран му дорын сулалысь Хацер-Тикон карӧдз.

Йоиль 2:20

Войвывсянь уськӧдчысьясӧс Ме ылыста тіян дінысь, вӧтла найӧс ватӧм куш муӧ, водзвылас мунысьясӧс Ме вӧйта асыввыв саридзӧ, бӧрвылас мунысьясӧс – рытыввыв саридзӧ. Унасьыс-уна лёктор вӧчӧмсьыс налӧн шойысь пондас ӧвтны сісьмӧм лёк дук.