Biblia Todo Logo
Bib sou entènèt

- Piblisite -




Езекиль 47:12 - Коми Библия 2023

12 Ю ӧтар-мӧдар пӧлӧныс кутасны быдмыны быдсяма вотӧса пуяс. Налӧн коръясыс оз косьмыны, и налӧн вотӧсыс оз бырлы. Пуясыс быд тӧлысь вайӧны вотӧс, ӧд найӧс юкталӧ вежаинсянь визувтысь ва. Тайӧ пуяслысь вотӧссӧ кутасны сёйны, а корнас бурдӧдчыны».

Gade chapit la Kopi




Езекиль 47:12
11 Referans Kwoze  

Карлӧн паськыд туй шӧрас, ю ӧтар-мӧдар бокас, быдмис Олӧмыслӧн пу, коді вайӧ вотӧссӧ быд тӧлысь, вонас – дас кыкысь. Сылӧн коръясыс бурдӧдӧны войтыръясӧс.


Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.


Вадорысь ме аддзи зэв уна пу. Найӧ быдмисны ю ӧтар-мӧдар пӧлӧныс.


Сійӧ лоӧ ва дорын быдмысь пу кодь, визув ю дорӧ вужъясьӧм пу кодь, сійӧ оз пов шонді пӧжӧмысь, сылӧн коръясыс пыр вежӧсь, зэртӧм кадӧ сійӧ оз майшась, оз дугды вайны вотӧс.


Господь Ен быдтіс-петкӧдіс муысь быдсяма пусӧ – синтӧ гажӧданасӧ и бур вотӧс вайысьсӧ. Нӧшта пуктіс сад йӧр шӧрӧ олӧмыслысь пу да бурсӧ и лёксӧ тӧдмалан пу.


Сійӧ вежӧдӧ шонді улын, вожъясыс шевкнитчӧмаӧсь сад йӧрын,


Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.


Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.


Галаадын ӧмӧй абу бурдӧдчан выйыс, сэні ӧмӧй абу бурдӧдысьыс? Мыйла менам войтырлӧн оз бурдны дойясыс?


Юрсянь кок пыдӧсӧдзныд абу дзониныс: гӧгӧр дой, лӧзӧдӧм да орзьӧм. Найӧс абу весалӧма, абу кӧрталӧма, абу мавтӧма выйӧн.


Swiv nou:

Piblisite


Piblisite