Езекиль 46:1 - Коми Библия 2023

¹ «Господь Ыджыдыс тадзи висьталӧ: квайт уджалан лун чӧж пытшкӧс йӧрӧ нуӧдысь асыввыв пыранін мед лоӧ пӧдса, а шойччан лунӧ да выль тӧлысь пасъян лунӧ мед лоӧ восьса.

Езекиль 46:1 Referans Kwoze

Исай 66:23

Сэки быд выль тӧлысь чужигӧн, быд шойччан лунӧ, став йӧзыс локтасны юрбитны Меным, – висьталӧ Господь. –

Петӧм 20:9

Квайт лун уджав, вӧч ассьыд уджъястӧ,

Лука 13:14

Шойччан лунӧ висьысьӧс бурдӧдӧмыс скӧрмӧдіс синагогаса юралысьӧс. Сійӧ шуис йӧзыслы: «Вежонас квайт лун сетӧма уджавнысӧ, сэки локтӧй бурдӧдчынытӧ, а энӧ шойччан лунӧ».

Езекиль 46:6

Выль тӧлысь пасъян лунӧ ӧксы мед вайӧ сотан вись пыдди дзоньвидза ӧти ӧшкӧс, дзоньвидза квайт баляпиӧс да дзоньвидза ӧти межӧс.

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

1 Каднебӧг 9:18

Ӧніӧдз найӧ видзисны крам асывладорысь Ӧксы дзиръя. А водзынджык найӧ видзисны левитъяслысь чомъяссӧ.

Езекиль 10:3

Херувимъяс сулалісны крам лунвывладорын, кор шабді паськӧма морт пырис на улӧ. Крамлысь пытшкӧс йӧрсӧ вӧлі вевттьӧма кымӧр.

Езекиль 40:19

Морт мурталіс кузьтасӧ улысса пыранін дорсянь пытшкӧс йӧр дорӧдз, сійӧ вӧлі сё гырддза. Асыввыв пыранінсянь и войвыв пыранінсянь пытшкӧс йӧр дорӧдз кузьтаыс вӧлі ӧткодь.

Езекиль 43:1

Морт вайӧдіс менӧ асыввыв пыранін дорӧ.

Езекиль 46:3

Тайӧ пыраніныслӧн ӧдзӧс дорын войтырыс мед шойччан лунӧ да выль тӧлысь пасъян лунӧ копыртчылас Господьлы.

Езекиль 46:12

Ӧксы кӧ ас кӧсйӧм серти ваяс Господьлы сотан вись либӧ бурасян вись, сылы мед восьтасны асыввыв пыранінсӧ. Сійӧ мед ваяс сотан да бурасян висьяссӧ шойччан лун дырйи моз. Сэсся мед петас, а пыранінсӧ мед пӧдлаласны.