Езекиль 45:8 - Коми Библия 2023

⁸ Тайӧ му юкӧныс лоӧ Израильлӧн ӧксылы, медым Менам ӧксыяс эз дзескӧдны Менсьым войтырӧс, а лэдзисны Израиль чужанкотыръяслы лӧня овны налы юклӧм муяс вылын.

Езекиль 45:8 Referans Kwoze

Езекиль 46:18

Ӧксылы оз позь мырддьыны войтырыслысь мусӧ да вӧтлыны найӧс сэтысь. Сійӧ сӧмын аслас юкӧнысь вермӧ мусӧ сетны пияныслы. Менам войтыр пӧвстысь некодӧс мед оз ло вӧтлӧма аслас му юкӧнысь».

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Нав Исус 11:23

Тадзи Исус босьтіс ставнас мусӧ, кыдзи Господь висьталіс Мӧисейлы. Исус юкліс мусӧ Израильлӧн чужанкотыръяслы. Тышъяс бӧрын тайӧ муас пуксис лӧнь кад.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Езекиль 19:7

Сійӧ жугліс овтӧм керкаяс, куштіс каръяс, сылӧн равзӧмысь тіраліс став мувывса олысьыс.

Езекиль 19:3

Ӧтиӧс тӧждысьӧмӧн вердіс, и сійӧ лои том лев, велаліс кыйсьыны, кутіс сёйны йӧзӧс.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Шусьӧгъяс 28:16

Вежӧртӧм юралысь дзескӧдӧ войтырсӧ, а коді оз горшась, сылӧн нэмыс кузь.

Яков 2:6

Но ті увтыртанныд гӧльясӧс. Оз ӧмӧй озыръяс дзескӧдны тіянӧс да кыскыны тіянӧс ёрдӧ?

Нав Исус 19:49

Му юклӧм бӧрын Израиль пиян сетісны Навлӧн Исус пилы

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.