Езекиль 44:7 - Коми Библия 2023

⁷ Ті вайӧданныд Менам вежаинӧ йӧз муысь локтысьясӧс, сьӧлӧмнас да вир-яйнас вундыштчытӧмъясӧс. На дырйи Меным гос да вир вайӧмӧн ті пежаланныд Менсьым крамӧс. Асланыд пеж уджъясӧн ті торканныд йитӧдӧс, мый Ме кӧрталі тіянкӧд.

Езекиль 44:7 Referans Kwoze

Левит 22:25

Доймӧм пемӧсӧс либӧ пемӧсӧс, кодлӧн эм тырмытӧмтор, мукӧд войтырлысь энӧ ньӧбӧй, медым вись пыдди вайны асланыд Енлы. А ваянныд кӧ, ті онӧ лоӧй шогманаӧсь Господьлы».

Еремей 9:26

Ме мыжда Египетын, Иудаын да Эдомын олысьясӧс, мыжда аммон войтырӧс, моав войтырӧс да овтӧминын олысьясӧс, кодъяс шырӧны юрсинысӧ пель боксьыныс. Тайӧ войтыръясыс – вундыштчытӧм войтыръяс, а израильсаяс – сьӧлӧмнаныс вундыштчытӧмӧсь.

Езекиль 44:9

Господь Ыджыдыс тадзи висьталӧ: йӧз муысь локтысьяслы, кодъяс олӧны Израиль войтыр пӧвстын, сьӧлӧмнас да вир-яйнас вундыштчытӧмъяслы, оз позь пырны Менам вежаинӧ.

Еремей 4:4

Иудаын да Ерусалимын олысьяс, вундыштчӧм пыр сиӧй асьнытӧ Господьлы, вундыштӧй ассьыныд сьӧлӧмнытӧ, медым тіян лёк вӧчӧмныд вӧсна Менам скӧрлунӧй эз ыпнит би моз, и сійӧс кусӧдны некод эз вермы.

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Олӧм 17:14

Кодлысь [кӧкъямысӧд лунӧ] оз ло вундыштӧма чильган йывсьыс кучикторсӧ, сійӧс мед лоӧ ӧтдортӧма аслас войтыр пӧвстысь, ӧд сійӧ торкӧ Менсьым йитӧдӧс, мый Ме кӧрталі тіянкӧд».

Ап. уджъяс 21:28

горзісны: «Израиль войтыр, отсалӧй босьтны тайӧ мортсӧ! Сійӧ быдлаын велӧдӧ-сёрнитӧ миян войтырлы паныд, Индӧдлы паныд да тайӧ вежаиныслы паныд. Весиг грекъясӧс вайӧдӧма татчӧ, пежалӧ вежаинсӧ».

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Индӧд 10:16

Вундыштӧй ассьыныд сьӧлӧмнытӧ да водзӧ энӧ асныралӧй.

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –

Малакий 1:7

Ті ваянныд Менам висьпуктанін вылӧ пеж нянь. Ті юаланныд: «Мыйӧн ми увтыртам Тэнӧ?» Ті нинӧмӧ пуктанныд Господьлысь висьпуктанінсӧ.

Езекиль 22:26

Ерусалимса попъяс торкӧны Менсьым Индӧдӧс, пежалӧны Меным сиӧм вежаторъясӧс. Найӧ оз торйӧдны, мый вежа, а мый абу вежа, оз висьтавны, мый пеж, а мый сӧстӧм. Найӧ оз тӧждысьны Менсьым шойччан лунӧс видзӧм вӧсна. Меысь вежавидзӧмыс налӧн абу.

Езекиль 7:20

Эзысь да зарни мичмӧдчанторъясӧн найӧ ошйысисны, эзысь-зарниысь зывӧк бӧлбанъяс вӧчисны. Та вӧсна налысь донаторнысӧ Ме пежӧ бергӧда,

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Еремей 11:10

Найӧ бергӧдчисны Меысь да батьясныс моз мыж вӧчисны. Налӧн батьясныс эз кӧсйыны кывзыны Менсьым кывъясӧс, а юрбитісны да кесъялісны мукӧд енъяслы. Израиль войтыр да Иуда войтыр торкисны Менсьым йитӧдӧс, мый Ме кӧрталі налӧн батьяскӧд».

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Левит 26:15

мустӧмтанныд-зывӧктанныд кӧ Менсьым индӧд-тшӧктӧмъясӧс, Менам тшӧктӧмъяс серти кӧ онӧ олӧй, а торканныд Менсьым йитӧдӧс,

Левит 21:21

Аарон попсянь чужысь, кодлӧн вир-яяс эм тырмытӧмтор, мед оз матыстчы вись вайны Господьлы. Вир-яйын тырмытӧмтор вӧсна сылы оз позь матыстчыны, медым вись вайны аслас Енлы.

Левит 21:17

«Висьтав Ааронлы, мый сысянь чужысьяс пӧвстысь морт, кодлӧн вир-яяс эм тырмытӧмтор, мед оз матыстчы вись вайны аслас Енлы.

Левит 21:8

Вежавидзӧмӧн пыдди пуктӧй попӧс, ӧд сійӧ вись вайӧ [Господьлы] тіян Енлы. Поп мед лоас тіянлы вежа, ӧд Ме вежа. Ме – Господь, тіянӧс Вежӧдысь.

Левит 21:6

Аслас Ен водзын поп мед лоас вежа. Мед оз янӧд аслас Енлысь нимсӧ, ӧд сійӧ вись вайӧ Господьлы, нянь – аслас Енлы. Та вӧсна сылы колӧ лоны вежаӧн.

Левит 17:11

ӧд быд ловъя олысьлӧн олӧмыс сылӧн вирас. Мыжнытӧ вештӧм могысь Ме тшӧкті тіянлы вир вайны висьпуктанін вылӧ, ӧд вирын олӧм, и сійӧ вештӧ мыжнытӧ.

Петӧм 12:48

Овмӧдчас кӧ тэ ордӧ йӧз муысь локтысь да кӧсъяс пасйыны Господьлы сиӧм Ыджыд лун, медводз сылӧн котырысь став айуловсӧ колӧ вундыштны. Сӧмын та бӧрын йӧз муысь локтысьыс вермас пасйыны Ыджыд лун, ӧд сійӧ лоӧ тіянлы ас морт кодь. Но вундыштчытӧм морт мед оз сёй ыджыдлунся баляӧс.

Петӧм 12:43

Господь шуис Мӧисейлы да Ааронлы: «Ыджыдлунся баля йылысь тшӧктӧмыс татшӧм. Оз позь сёйны сійӧс йӧз муысь локтысьяслы.

Езекиль 44:15

Левий чужанкотырысь сӧмын Садок рӧдысь попъяслы, кодъяс эз дугдывны кесъявны Менам вежаинын, кор Израиль пиян кежисны Меысь, позьӧ матыстчыны Ме дінӧ да кесъявны Меным. Найӧ пондасны сулавны Ме водзын да вайны Меным гос да вир, – висьталӧ Господь Ыджыдыс. –

Еремей 9:25

Матыстчӧны лунъяс, – висьталӧ Господь, – кор Ме кута мыждыны вундыштчӧмаясӧс и вундыштчытӧмъясӧс.

Малакий 2:4

– Сэки ті гӧгӧрвоанныд, мый тайӧ вӧлі Менам ӧлӧдӧм, медым Левий чужанкотыркӧд кӧрталӧм йитӧдӧй вына коли, – висьталӧ Господь Саваоф. –

Малакий 2:8

– Но ті кежинныд тіянлы индӧм туй вылысь, тіян велӧдӧм вӧсна унаӧн крукасисны. Ті торкинныд Менсьым йитӧдӧс, мый Ме кӧрталі Левийкӧд, – висьталӧ Господь Саваоф. –