Езекиль 44:30 - Коми Библия 2023

³⁰ Медводдза быдтасыс да быдсяма вайӧмторйыс вичмӧ попъяслы. Выль пызьысь медводдза пӧжаснытӧ сетӧй попъяслы, медым тіянлысь керканытӧ вӧлі бурсиӧма.

Езекиль 44:30 Referans Kwoze

2 Каднебӧг 31:10

Садок рӧдысь Азарий аркирей вочавидзис сылы: «Сійӧ кадсяньыс, кор йӧзыс пондісны вайны Господьлӧн крамӧ козинъяс, ми пӧттӧдз сёям. И унатор кольӧ на, ӧд Господь бурсиис Ассьыс войтырсӧ. Со, тайӧ чукӧръясыс колисны на».

Индӧд 18:4

Сетӧй поплы тшӧтш медводдза вундӧм нянь, выль вина да олив вый, а сідзжӧ нигӧн вурун.

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

Лыд 3:13

ӧд став медводдза чужысьыс – Менам. Сійӧ лунӧ, кор Ме бырӧді египетса став медводдза чужысьсӧ, Ме вежӧді-торйӧді Аслым Израиль войтырлысь став медводдза ай чужысьсӧ: йӧзӧс и ыж-мӧскӧс. Найӧ – Менам. Ме – Господь».

Петӧм 23:19

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Петӧм 22:29

Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

Петӧм 13:12

сэки став медводдза чужысь писӧ торйӧд Господьлы. Весиг ыж-мӧслысь став медводдза ай чужысьсӧ вай Господьлы.

Петӧм 13:2

«Став медводдза ай чужысьсӧ вежӧд-торйӧд Меным. Израиль войтыр пӧвстысь медводдза чужысьыс и ыж-мӧс пӧвстысь медводдза чужысьыс лоӧны Менам».

Римӧ 11:16

Медводдза пӧжасыс кӧ вежа, сідзкӧ, кӧтасыс ставнас вежа. Пулӧн вужйыс кӧ вежа, вожъясыс тшӧтш вежаӧсь.