Езекиль 44:19 - Коми Библия 2023

¹⁹ Войтырыс дінӧ ортсы йӧрас петігӧн найӧ мед пӧрччасны кесъялан паськӧмнысӧ, колясны сійӧс вежа жырйӧ да пасьталасны мӧд паськӧм, медым вежа паськӧмнаныс эз инмыны войтырыс дінӧ да тадзи эз вежӧдны найӧс.

Езекиль 44:19 Referans Kwoze

Езекиль 46:20

морт шуис меным: «Тані попъяс мед пуӧны мыж вештан вись пыдди да мыжысь вись пыдди вайӧм пемӧсъяслысь яйсӧ. Тані мед пӧжалӧны нянь вись. Яйсӧ да няньсӧ мед оз петкӧдны ортсы йӧрӧ, медым тайӧ вежаторъяснас эз инмыны войтырыс дінӧ да тадзи эз вежӧдны найӧс».

Левит 6:27

Ставыс, мый инмылас вись яйыс дінӧ, лоӧ вежа. Вирыс кӧ резсяс поплӧн паськӧмӧ, паськӧмсӧ колӧ мыськавны вежаинын.

Петӧм 30:29

Вежӧд найӧс, и найӧ лоӧны вежасьыс-вежаӧсь. Ставыс, мый инмас наӧ, лоӧ вежа.

Петӧм 29:37

Сизим лун чӧж сӧстӧммӧд висьпуктанінсӧ да вежӧд сійӧс, и висьпуктаніныс лоӧ вежасьыс-вежа. Ставыс, мый инмас висьпуктанінӧ, лоӧ вежа».

Левит 16:4

Сійӧ мед пасьталас вежа шабді дӧрӧм да улыс шабді гач, кӧрталас коскас шабді вӧнь да вевттяс юрсӧ шабді юркӧртӧднас. Тайӧ вежа паськӧмсӧ мед пасьталас мыссьӧм бӧрас.

Левит 16:23

Аарон мед пырас вежа чомйӧ, пӧрччас шабді паськӧмсӧ, мый пасьтавліс вежаинӧ пырӧм водзвылын, да коляс сэтчӧ.

Аггей 2:12

Шуам, паськӧм дорышас гартыштӧмӧн морт нуӧ вежӧдӧм яй. Сылӧн паськӧм дорышыс кӧ инмылас няньӧ, пуӧмторйӧ, винаӧ, выйӧ либӧ мукӧд сёянӧ, лоӧ-ӧ тайӧ сёяныс вежа?» Попъяс вочавидзисны: «Оз».

Левит 6:3

а сідзжӧ, сійӧ кӧ соссяс, мый аддзис матыссаыслысь воштӧмторсӧ, либӧ сійӧ кӧ мыж вӧчас, но ылӧдлӧмӧн кыв сетас, мый тадзи эз вӧч.

Левит 6:4

Татшӧм мыжсӧ вӧчысь лоӧ мыжа. Сылы колӧ бӧр сетны, мый гусяліс, мырддис либӧ босьтліс ас ордас видзны. Колӧ бӧр сетны, кодлыськӧ воштӧмторсӧ кӧ аддзис.