Езекиль 43:11 - Коми Библия 2023

¹¹ Налы кӧ збыльысь яндзим лоӧ, сэки тӧдмӧд найӧс крам балаӧн да тэчасногӧн, пыран-петанінъясӧн да крам йылысь индӧд-тшӧктӧмъясӧн. Гиж налы ставсӧ, медым найӧ оласны став индӧд-тшӧктӧмыс серти.

Езекиль 43:11 Referans Kwoze

Езекиль 36:27

Ассьым лолӧс пукта тіян пытшкӧ да вӧча сідз, мый ті кутанныд овны Менам индӧд-тшӧктӧмъяс серти.

Езекиль 11:20

медым найӧ оласны да ставсӧ вӧчасны Менам индӧд-тшӧктӧмъяс серти. Сэки найӧ лоасны Менам войтырӧн, а Ме лоа налӧн Енмӧн.

Еврейяслы 8:5

Найӧ кесъялӧны крамын, мый вӧчӧма енэжвывсаӧс моз. Крамыс – енэжвывсаыслӧн вуджӧрыс. Мувывса вежа чомсӧ вӧчтӧдз на Енмыс висьталіс Мӧисейлы: «Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».

1 Коринфӧ 11:2

Вокъяс, ошка тіянӧс, ӧд ті нинӧм абу вунӧдӧмныд менам висьтавлӧмысь. Ті ставсӧ вӧчанныд менам велӧдӧм серти.

Иоан 13:17

Тайӧс кӧ тӧданныд да та серти оланныд, ті шудаӧсь.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Езекиль 12:3

Морт пиӧй, лӧсьӧд ноп да луннас налӧн син водзын пленӧ босьтӧм морт моз мӧдӧдчы мунны мӧдлаӧ. Гашкӧ, тайӧ войтырыс гӧгӧрвоас, мый найӧ асныраӧсь.

Езекиль 43:10

А тэ, морт пиӧй, юӧрт Израиль войтырлы тайӧ крам йывсьыс. Кор найӧ тӧдмаласны, кутшӧм ыджыд да тыр-бур тайӧ крамыс, налы яндзим лоӧ асланыс мыжъясысь.